“მიშას უარყოფაში კი არა, მის აღიარებაშია გამოსავალი, როგორც არ უნდა მოგწონდეთ” – ლელა ჯეჯელავა

ანალიტიკოსი ლელა ჯეჯელავა, ქართულ პოლიტიკაში საქართველოს მე-3 პრეზიდენტის, მიხეილ სააკაშვილის როლისა და ადგილის შესახებ საუბრობს:

“რაც გინდა მძიმე შეფასება გავაკეთო მე ან ვინმემ, ოპოზიციურ ალიანსზე, პასუხს არავინ გამცემს, მით უფრო, საერთო განცხადებას არავინ გააკეთებს, რომ ჩემს აზრს მნიშვნელობა არ შესძინონ, მე ეგო არ დამიბუსტონ, საზოგადოების ყურადღება მეტად არ მომაპყრონ და ეს მართალიც იქნება.

მიხეილ სააკაშვილის ყველა განცხადებაზე ასეთი მძაფრი რეაგირება ოპოზიციის მხრიდან მხოლოდ ერთ რამეზე მიუთითებს, რომ მიშა არის ქართულ პოლიტიკაში ფაქტორი, რომელიც ვერც “გამარჯვებულმა” ხელისუფლებამ დაძლია და ვერც “დამარცხებულმა” ოპოზიციამ.

სანამ ხელუსუფლების და ოპოზიციის პოლიტიკის მთავარ ვექტორად ქართველი ხალხი არ იქცევა, მიშას მრავალრიცხოვანი ამომრჩევლიანად, მანამ ამ მოჯადოებული წრიდან ვერ გამოვალთ.

მიშას უარყოფაში კი არა, მის აღიარებაშია გამოსავალი, როგორც არ უნდა მოგწონდეთ ეს და მერე ყველაფერი თავის ადგილზე დადგება“, – წერს ლელა ჯეჯელავა სოციალურ ქსელში.