“ერთიანობა – ნაციონალური მოძრაობის” ერთ-ერთი ლიდერი, პაატა მანჯგალაძე, უმუშევრობის დონის შემცირებასთან დაკავშირებით, საქსტატის მიერ გამოქვეყნებულ კონკრეტულ მონაცემებს ეხმაურება:
“საქსტატის მიერ გამოქვეყნებული მონაცემები უმუშევრობასთან დაკავშირებით, არის “ქართული ოცნების” წინასაარჩევნო მანიპულაცია.
სინამდვილეში ის, რომ ქართველები ტოვებენ საკუთარ ოჯახებს და ქვეყანას სწორედ იმის შედეგია, რომ საქართველოში არ არსებობს ღირსეული სამუშაო, ანაზღაურება, ხოლო ფასები ძალიან მაღალია.
ეს არის “ქართული ოცნების” მხრიდან საკუთარი მოსახლეობის ძარცვის და გაღარიბების პოლიტიკის შედეგი. “ქართული ოცნება” და მასთან დაკავშირებული მცირე ჯგუფი მდიდრდება, ხოლო ხალხი ღარიბდება.
შესაბამისად, 26 ოქტომბრის შემდეგაც თუ კვლავ ესენი დარჩებიან ხელისუფლებაში ქვეყანას ელოდება იზოლაცია, სიღარიბე, რის გამოც სამწუხაროდ კიდევ უფრო მეტ ქართველს მოუწევს სამშობლოს დატოვება.
ამ ყველაფრიდან გამომდინარე დავსავთ კითხვა, თუ ვისი ოცნებაა საქართველო ქართველების გარეშე?
ქართველი ერი აუცილებლად იზეიმებს 26 ოქტომბერს. ერთიანობით გავიმარჯვებთ”, – აცხადებს პაატა მანჯგალაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
