ფეისბუქის მიერ რუსეთში გაუქმებულ გვერდებთან დაკავშირებით სკანდალურ ინფორმაციას ავრცელებს “ერთიანობა – ნაციონალური მოძრაობის” ერთ-ერთი ლიდერი, გიორგი ვაშაძე:
“მართლაც წარმოუდგენელ რეალობაში ვცხოვრობთ. მთავრობა, რომელიც ხალხზე უნდა ზრუნავდეს – დასაქმებაზე, ფასების დაკლებაზე, ემიგრაციაში რომ ხალხი არ წავიდეს, ზრუნავდეს შობადობის უმძიმეს პრობლემებზე, თურმე რითია დაკავებული.
ფეისბუქმა 76 ანგარიში გააუქმა რუსეთში, 30 „ფეისბუქ“-გვერდი და 11 „ინსტაგრამ“ ანგარიში წაიშალა, რომელიც რუსეთიდან იმართებოდა, „რუსული კანონის“ მხარდასაჭერად. ანუ „ქართული ოცნების“ პროპაგანდის მხარდასაჭერად რუსეთში შექმნილია მთელი სისტემები, რომლებიც მათ ეხმარებიან, რომ ყალბი ინფორმაციები გაავრცელონ საქართველოში.
მარტო ამ კონკრეტულ შემთხვევაში 77 ათასი დოლარია დახარჯული რუსეთიდან იმისთვის, რომ „ქართულ ოცნებას“ დაეხმარონ სიყალბის გავრცელებაში.
მე მინდა ვკითხო „ქართული ოცნების“ წარმომადგენლებს – იმ სიყალბეების გავრცელება აღარ გყოფნით საქართველოში და ახლა რუსეთიდან გამოიძახეთ მხარდასაჭერად, რომ ყალბი ინფორმაცია მიაწოდოთ ხალხს?
ეს არის თქვენი სახე?! ეს არის ხალხზე ზრუნვა?!
26 ოქტომბერს „ქართული ოცნება“ თავისი ტროლ-ბოტებით წარსულს უნდა ჩავაბაროთ! თუ რუსეთში გინდათ წასვლა წადით და ამ ქვეყანას დაანებეთ თავი!” – განაცხადა გიორგი ვაშაძემ.
ავტორი
მარიამ ხაჩირაშვილი
