“სწორედ ასეთი გმირობის, ასეთი პატრიოტიზმის ხარჯზე შენდება, ნამდვილი, პატრიოტული სახელმწიფო” – გიორგი ვაშაძე შინდისის გმირებზე

12 აგვისტოს “ერთიანობის” წევრები შინდისში იმყოფებოდნენ და დიდგორობის დღესასწაულზე 2008 წლის აგვისტოს ომის გმირების საფლავი მოინახულეს. ამ დღესთან დაკავშირებით შეფასებები გააკეთა “ერთიანობა – ნაციონალური მოძრაობის” ერთ ერთმა ლიდერმა გიორგი ვაშაძემ:

“პატივი მივაგეთ შინდისის გმირებს, დღეს არის დიდგორობა, გილოცავთ დღევანდელ დღესასწაულს. დღეს, რომელიც არის გმირების დღე, გამარჯვების დღე.

მე დარწმუნებული ვარ, რომ შინდისის გმირების ქმედება იქნება ფუნდამენტი ერთიანი საქართველოს ძლიერების. სულ მალე გვექნება ტერიტორიული მთლიანობა, ვიცხოვრებთ ბედნიერ, კეთილ, ერთიან საქართველოში და ღირსეულად ყოველთვის დიდ პატივს მივაგებთ გმირებს. იმიტომ, რომ სწორედ ასეთი გმირობის, ასეთი პატრიოტიზმის ხარჯზე შენდება, ნამდვილი, პატრიოტული სახელმწიფო”, – განაცხადა გიორგი ვაშაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს