პრემიერ-მინისტრმა ირაკლი კობახიძემ, მუხათგვერდის სასაფლაოზე, 2008 წლის აგვისტოს ომის დროს დაღუპულების ხსოვნას პატივი მიაგო, რის შემდეგაც, ჟურნალისტების კომენტარში, პოზიცია დააფიქსირა ომის დაწყების თარიღთან დაკავშირებით:
“ჩვენი პოლიტიკური ოპონენტები, წლების განმავლობაში, ამ თარიღს აღნიშნავდნენ 8 აგვისტოს და რამდენიმე წლის შემდეგ გადაწყვიტეს, რომ, თურმე, 7 აგვისტოს დაწყებულა ომი.
ეს არის სპეკულაციები, რასაც არ აქვს საფუძველი, ერთადერთი მიზანი არის ის, რომ რაღაცნაირად გახლიჩონ ამ ყველაფერშიც საზოგადოება. არაფერი არ უნდა აერთიანებდეს ქართულ საზოგადოებას, ეს არის ჩვენი რადიკალური ოპოზიციის მიდგომა, მათ შორის, ომის დაწყების თარიღიც კი, რაც ჩვენთვის მიუღებელია.
წლების განმავლობაში, აღინიშნებოდა 8 აგვისტოს ომის დაწყების თარიღი და ამ თარიღის აღნიშვნა გრძელდება ახლაც ასე. რაც შეეხება ოპოზიციას, კიდევ ერთხელ ვიტყვი, რომ არის სპეკულაციები და არასერიოზული, ძალიან სამწუხაროა ეს ყველაფერი“, – განაცხადა ირაკლი კობახიძემ.
