“სრულიად ყოველგვარი გაფრთხილების გარეშე დაავლეს ხელი ამ ჩემს შვილს და სხვა ფლიგელში გადაიყვანეს” – გიული ალასანია

საქართველოს მე-3 პრეზიდენტის დედა, გიული ალასანია ტვ ,,პირველი” ეთერში კომენტარს აკეთება მიხეილ სააკაშვილის საქმესთან დაკავშირებით:

,,სრულიად ყოველგვარი გაფრთხილების გარეშე, დაავლეს ხელი ამ ჩემს შვილს და სხვა ფლიგელში გადაიყვანეს. იცით, მე-8 სართულზე არის მოთავსებული ჩემი შვილი და მე გამიჩნდა შიში.

შიში მუდმივად მაქვს ამ ჩემი შვილის საქმიანობიდან გამომდინარე, მაგრამ ეს ახლა ძალიან გამიძლიერდა. იმიტომ, რომ დავინახე, მთელი შენობა, რომელიც სასტუმროდ ითვლება, არის დაცლილი, ცარიელია აბსოლუტურად. ერთადერთი მე-8 სართულზე არის ჩემი შვილი, რომელსაც არაფერი არ აქვს. მის თავზე არის ტექნიკური სართული.

ე.ი. ყველაფერი შეიძლება იქ მოხდეს.

მოგეხსნებათ, დღეს ყველაზე მნიშვნელოვანი რა არის – უსაფრთხოება და ინფორმაცია. აღმოჩნდა, რომ ამ ადამიანს არც ერთი აქვს და არც მეორე. იმიტომ, რომ ინფორმაცია არ აქვს. ერთადერთი ტელევიზორი იყო საიდანაც კიდე რაღაცას იგებდა”, – განაცხადა გიული ალასანიამ.

ავტორი
ნინი ხიჯაკაძე