“ეს არის სასიცოცხლოდ მნიშვნელოვანი დიდი ეპიდემიის ასაცილებლად! თუ მეთანხმებით, გაავრცელეთ!” – მიხეილ სააკაშვილი

318

საქართველოს ყოფილი პრეზიდენტი მიხეილ სააკაშვილი, თავისი ვიდეომიმართვით კორონავირუსის საქართველოში შესაძლო გავრცელების საფრთხეებზე საუბრობს. სააკაშვილი კატეგორიულად მოითხოვს ხელისუფლებისგან ირანთან ავიამიმოსვლის შეჩერებას და ირანიდან იქაური მოქალაქეების შემოსვლის აკრძალვას.

ახლა არ დამიწყოთ, ძალიან გთხოვთ, სააკაშვილი ქსენოფობი და ათასგვარი სისულელეები, იმიტომ რომ ეს ეხება თითოეულ ჩვენგანს.

ჩემი შვილი თბილისში ცხოვრობს, თქვენი შვილები ცხოვრობენ, თქვენ ცხოვრობთ საქართველოში და კორონავირუსი, რომელიც ძალიან სწრაფად ვრცელდება, რა თქმა უნდა, საშიშია ადამიანის ჯანმრთელობისთვის, უკვე პრაქტიკულად მომდგარია საქართველოს კარებს, იმიტომ რომ ძალიან სწრაფად გავრცელდა ირანში და ბოლო მონაცემებით 5 ადამიანი არის დაღუპული, ბევრად მეტი დაავადებულია.

ირანთან ჩვენ გვაქვს აქტიური ავიამიმოსვლა. ირანის უამრავი მოქალაქე ჩამოდის საქართველოში, ჩვენებიც ბევრს დადიან ირანში, ამიტომ, რაც უნდა გაკეთდეს და რაც უნდა მოვთხოვოთ ამ ვაი მთავრობას, საქართველოს დამაქცევარ მთავრობას, ეს ირანთან ავიამიმოსვლის დაუყოვნებლივი შეჩერებაა და საქართველოში ირანის მოქალაქეების შემოსვლის დროებით აკრძალვაა, ხოლო ირანიდან შემოსული ჩვენი მოქალაქეების სრულფასოვანი შემოწმება.

ასე იქცევა ამერიკა, ასე იქცევა ჩვენთვის ბოლომდე არმოსაწონებელი რუსეთი, მაგრამ თავისთვის სწორად იქცევა. ასე იქცევა აზიის ბევრი ქვეყანა და ჩვენ ვითომ რა წითელი კოჭი ვართ და რატომ უნდა მოვიქცეთ სხვანაირად?!

გავაკეთოთ ის, რაც სწორია და რაც გადაარჩენს ადამიანების სიცოცხლეს,” – განაცხადა მიხეილ სააკაშვილმა.

ვიდეომიმართვისთვის წამძღვარებული ტექსტით, საქართველოს მე-3 პრეზიდენტი, მოსალოდნელი საფრთხებების შესახებ მოსაზრებას კიდევ უფრო აკონკრეტებს:

მალე მოდის სპარსული ახალი წელი, ნოვრუზი და ტრადიციისამებრ მინიმუმ 40-50 ათასი ირანელი აპირებს საქართველოში ჩამოსვლას. ამ ახალი ვირუსის
სწრაფ გავრცელებასთან დაკავშირებით ირანში, ამის დაშვება კატეგორიულად გამორიცხულია.

მთავრობამ უნდა დაკეტოს ირანიდან ავიამიმოსვლა და ირანის მოქალაქეების შემოსვლა საქართველოში.

ეს არის სასიცოცხლოდ მნიშვნელოვანი დიდი ეპიდემიის ასაცილებლად! თუ მეთანხმებით, გაავრცელეთ!” – ფეისბუქის პირად გვერდზე მიხეილ სააკაშვილი.

 

კომენტარები