“არჩევანი ნათელია და შემოდგომაზე ეს არჩევანი უნდა დადგეს ქართველი ერის სასარგებლოდ” – გია ხარჩილავამ

წალენჯიხის მერი, გია ხარჩილავა, სააგენტო ,,პარალელთან” ინტერვიუში, ქვეყანაში შექმნილი პოლიტიკური რეალობის შეფასებას ახდენს და საზოგადოებას სწორი არჩევანის გაკეთებისკენ მოუწოდებს:

,,ქვეყანაში დიქტატურა რომ დამყარებულია ეს დაადასტურა ჩვენმა მეგობარმა შეერთებულმა შტატებმა. მთელი 12 წლის განმავლობაში, შეფარულად, ფარისევლურად, ეს ადამიანები უზურპირებდნენ ხელისუფლებას, ხოლო უკრაინაში ომმა გამოაჩინა მათი პოლიტიკური ორიენტაცია და სწორედ ამ ომის მერე გაირკვა, რომ ეს ფარისეველი ხელისუფლება საქართველოს ტრადიციულ, ისტორიულ გზას ღალატობდა და მიჰყავდა რუსეთისკენ, ჩვენი ოკუპანტი მეზობლისკენ.

მათ მიერ მეორედ, უტიფრად შემოტანილმა რუსულმა კანონმა მთელი ერის კონსოლიდირება გამოიწვია. დღედ ერთ მხარეს არის ოლიგარქი, მეორე მხარეს არის მთელი ერის ნებისყოფა. ერთ მხარეს არის რუსეთი, მეორე მხარეს არის ევროპა. არჩევანი ნათელია და შემოდგომაზე ეს არჩევანი უნდა დადგეს ქართველი ერის სასარგებლოდ“,- განაცხადა გია ხარჩილავამ.

ავტორი
მარიამ ხაჩირაშვილი