საერთაშორისო სწავლების კვლევითი ცენტრის დირექტორი, ექსპერტი საერთაშორისო და უსაფრთხოების საკითხებში, პოლიტოლოგი ნიკა ჩიტაძე სააგენტო ,,პარალელთან“ ინტერვიუში საუბრობს იმასთან დაკავშირებით, თუ რა მოვლენები განბითარდება საქართველოში იმ შემთხვევაში, თუ ამერიკის არჩევნებში რესპუბლიკელების საპრეზიდენტო კანდიდატი, დონალდ ტრამპი გაიმარჯვებს:
,,ქართული ოცნება”, პირველ რიგში, დაინტერესებულია საკუთარი ძალაუფლების შენარჩუნებით, მათ შორის, საქართველოს ეროვნული ინტერესების შელახვის ხარჯზე. თუ, ვთქვათ, ტრამპი იმარჯვებს, შესაბამისად, ტრამპი ეცდება, რომ რუსეთთან დაარეგილუროს ურთიერთობა, მაგრამ ეს დეფაქტო ნიშნავს იმას, რომ ამერიკა ტრამპის ადმინისტრაციის პირობებში ბოლომდე არ აღიარებს, მაგრამ ნაკლებ ყურადღებას მიაქცევს საქართველოს.
საქართველოს ხელისუფლებას დღეს ეს აწყობს, რომ ამერიკა ნაკლებად ჩაერიოს საქართველოს საქმეებში. ამ შემთხვევაში, ,,ქართული ოცნება” ძალაუფლებას უფრო მეტად შეინარჩუნებს. თუმცა, ისიც არ უნდა დაგვავიწყდეს, რომ საქართველოში არჩევნები ტარდება 26 ოქტომბერს, აშშ-ში 5 ნოემბერს.
,,ქართულ იცნებას” სურს, რომ თუ იქნება ხელისუფლებაში, შემდგომში, როცა დასჭირდება ხელისუფლების შენარჩუნება, თუ არჩეულნი იქნენ, ღმერთმა დაიფაროს, მაგრამ ხომ არ არის გამორიცხული, იმედი ვიქონიოთ, რომ ქართველი ხალხი გამოიჩენს გამჭრიახობას და სიბრძნეს და არ დაუშვებს, რომ საქართველოში დამკვიდრდეს ავტორიტარიზმი, პრორუსული, ანტიდემოკრატიული და ანტიქართული, პირველ რიგში, მმართველობა”, – განაცხადა ნიკა ჩიტაძემ.
ავტორი
ნინი ხიჯაკაძე
