ოქტომბრის არჩევნების მნიშვნელობასთან დაკავშირებით თავის შეფასებებს და განმარტებებს აკეთებს ანალიტიკოსი ზაალ ანჯაფარიძე:
“რეალობას მოწყვეტილი, მავნებლური და მოღალატეობრივი დისკურსი, თითქოს ეს არჩევნები არის რეფერენდუმი “ევროპა თუ რუსეთი”, უნდა განადგურდეს და რაც შეიძლება მალე.
რატომ არის ის არარეალური? 2024 წლამდე საქართველოში ჩატარებული ყველა გამოკითხვა აჩვენებდა, რომ მოსახლეობის 80-85% ევროინტეგრაციის მხარდამჭერია. ამაზე აპელირებენ ხელისუფლებაც, ოპოზიციაც მისი ენჯეოებით, და დასავლელი პარტნიორებიც.
რეფერენდუმის ადვოკატების ლოგიკას რომ გავყვეთ, 2024 წელს ჩვენი საზოგადოების განწყობა და ორიენტაცია თურმე ისე რადიკალურად შეცვლილა, რომ პრორუსული და პროევროპული ორიენტაციის მოქალაქეთა რაოდენობა გათანაბრდა და ეხლა რეფერენდუმად გადაქცეულმა არჩევნებმა უნდა გადაწყვიტოს თუ რომელი მხარე გადასწონის.
გამოდის, რომ NDI/IRI გამოკითხვები სიცრუე და მანიპულაცია ყოფილა, თუკი ამდენმა ჩვენმა მოქალაქემ უცებ რუსეთისკენ იბრუნა პირი და რეფერენდუმი გახდა საჭირო….
ხომ ხედავთ, საკუთარი ბინძური პოლიტიკური მიზნებიდან გამომდინარე რა მავნებლურ და ხალხისთვის შეურაცხმყოფელ პოლიტიკურ აბსურდს გვახვევენ თავს, ცდილობენ დასავლეთიც დაარწმუნონ ამაში და იქაც ეტყობა ვიღაცეები იჯერებენ ამას.
სინამდვილეში, რეფერენდუმის თემის შემოგდება არის ოპოზიციის კლასტერის პოლიტიკური უსუსურობის და მორალური დეგრადაციის მორიგი თვალსაჩინო ინდიკატორი“, – წერს ფეისბუქის პირად გვერდზე ზაალ ანჯაფარიძე.
