“თითოეული პარტია, არასამთავრობო, უსამშობლო, თუ როგორცაა, ყველა ემზადება…” – ირაკლი ზარქუა

პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე, ირაკლი ზარქუა ჟურნალისტებთან პოლიტიკურ შეფასებას აკეთებს მოახლოებულ საპარლამენტო არჩევნებთან დაკავშირებით:

,,ძალიან აქტიურ ფაზაში შედის წინასაარჩევნო პერიოდი. თითოეული პარტია, არასამთავრობო, უსამშობლო, თუ როგორცაა, ყველა ემზადება.

მნიშვნელოვანი აქ არის ერთი რამ, რომ მმართველ პარტიას აქვს კონკრეტული ხედვა, რომელიც არის, მათ შორის, ფაქტებით გამყარებული, თუ როგორ უნდა შევინარჩუნოთ მშვიდობა ამ ქვეყანაში. თუ როგორ უნდა შევძლოთ ის, რომ სწორი რეფორმებით ეკონომიკა განვავითაროთ. როგორ უნდა შევძლოთ ისე, რომ, მათ შორის, მიუხედავად იმ რაღაცა შემოტევებისა ცალკეული ,,ლობისტური” კომპანიების მხრიდან დაქირავებული ევროპის ლიდერებისა და ევროპარლამენტარებისა, არ აქვს მნიშვნელობა, როგორ გავაგრძელოთ ღირსებით ევროინტეგრაცია”, – განაცხადა ირაკლი ზარქუამ.

ავტორი
ნინი ხიჯაკაძე