“სათქმელი არაფერი არ არის, რეალურად, გარდა იმისა, რომ ჩემი მადლიერება გამოვხატო ამ ღირსებული დაცვისთვის“, – ასე დაიწყო თავისი სიტყვა პატიმრობაში მყოფმა მედიამენეჯერმა, მზია ამაღლობელმა, ქუთაისის სააპელაციო სასამართლოში.
“ბათუმელებისა” და “ნეტგაზეთის” დამფუძნებელმა ემოციურად ისაუბრა მის პატიმრობაზე, ქვეყანაში შექმნილ მდგომარეობასა და სავარაუდო მძიმე რეალობაზე:
„პატიმრობა სასურველი არ არის და არც მარტივია, მაგრამ საშიშიც არ არის. მე პატიმრობა კი არ მაშინებს, მაშინებს ის, პატიმრობიდან როცა გამოვალ, რა დამხვდება გარეთ.
დამხვდება ქვეყანა, რომელიც თავისუფლებისთვის, დემოკრატიისთვის, ევროპული მომავლისთვის იბრძვის თუ ტანკის გარეშე რუსეთის მიერ დაპყრობილი ქვეყანა დამხვდება?
ჩვენთვის, ყველასთვის, ვინც ამ დარბაზშია, ღირსება გადის საქართველოს კონსტიტუციის დაცვაზე. ამიტომ, მოგიწოდებთ ყველას, ვიბრძოლოთ, სანამ გვიანი არ არის იმიტომ, რომ კონსტიტუციის დაცვის ვალდებულება გვაქვს.
ბრძოლა ბოლომდე!” – აცხადებს მზია ამაღლობელი.
