“გვინდა საუბარი, როგორც საბავშვო პრობლემებზე, ასევე მასწავლებლების პრობლემატიკაზე”, – ამის შესახებ “ერთიანობის” ლიდერმა თამარ კორძაიამ განათლების სფეროს წარმომადგენლებთან შეხვედრაზე განაცხადა.
კორძაიას თქმით განათლების სფეროში არსებული პრობლემები ყურადსაღები და მნიშვნელოვანია, როგორც ბავშვთა ასევე მასწავლებელთა მიმართულებით:
“ჩვენი ერთიანობისთვის ძალიან მნიშვნელოვანია, სასკოლო და საუნივერსიტეტო სივრცეებთან დაკავშირებით მეტი ინფორმაციის მიღება. ვიცით, რომ სკოლებში და უნივერსიტეტებში არის მომავალი, მომავალი რომელიც არის დაფუძნებული პროგრესზე და რა თქმა უნდა ბავშვებისა და ახალგაზრდების განვითარებაზე.
ასევე სკოლა იძლევა ცოდნას, უნივერისტეტიც იძლევა ცოდნას. ლექტორების პრობლემატიკაც ძალიან მნიშვნელოვანია. გვინდა საუბარი, როგორც საბავშვო პრობლემებზე, ასევე მასწავლებლების პრობლემატიკაზე.
რა თქმა უნდა ჩვენი ინტერესის სფერო არ არის მხოლოდ თბილისი, ჩვენი ინტერესესი სფეროა ერთიანობა მთელი საქართველოს მასშტაბით. ყველგან არსებული პრობლემის გააზრება და გადაჭრის გზებზე ზრუნვა მნიშვნელოვანია, რაშიც ჩართული უნდა იყოს განათლების სფეროს თითოეული წარმომადგენელი”, – განაცხადა კორძაიამ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
