პოლიტიკური პლატფორმა ,,ერთიანობის’’ წევრი გიგი უგულავა, სოციალურ ქსელში, ფეისბუქის პირად გვერდზე გამოქვეყნებულ პოსტში შეფასება-განმარტებებს აკეთებს აშშ-ში ტრამპის წარდგენაზე, თინა ბოკუჩავას მიწვევასა და ,,ქართული ოცნების’’ საარჩევნო კამპანიის დაწყებასთან დაკავშირებით გამართულ ღონისძიებაზე ბიძინა ივანიშვილის სიტყვით გამოსვლაზე:
,,ივანიშვილის ბოლო გამოსვლა ძველის გადამღერებაა. წყალია, ამჯერად უფრო ამღვრეული, თუმცა არის ერთი აღსანიშნავი გარემოებაც. არცერთი ქვეყანა, არცერთი ხელისუფლება თუ ოპოზიცია, ვისაც კი აშშ-თან მეგობრობა სურს, საჯაროდ ამერიკის არჩევნებში მხარს არ იჭერს. ზეპარტიული მიდგომა არა მარტო დაუწერელი კანონია, არამედ პრაქტიკული პოლიტიკის ნაწილია. ვინც ამ წესს არღვევს, ის ჩვეულებრივად დაისჯება. ასე მოუვა ივანიშვილს და მის ოცნებას.
არაფერს ვამბობ იმ ფაქტზე, რომ არც ტრამპისა და რესპუბლიკელების გამარჯვების შემთხვევაში ნახავს ოცნება რამე ხეირს. უფრო პირიქით. მოღალატე ყველგან მოღალატეა. ივანიშვილმა არა ბაიდენს და დემოკრატებს, არამედ ამერიკელი ხალხის და სახელმწიფოს ნდობას უღალატა. მას იქ აღარავისთან მიესვლება. ამის ნათელი დასტურია ის ფაქტი, რომ ტრამპის წარდგენაზე ენმ-ს თავმჯდომარე თინა ბოკუჩავაა მიწვეული, ქოცი კი ამასობაში ძალოვნების კვარტალში თავის 8 სართულიანი ოფისის გახსნით ტკბებოდა. უბადრუკი ზალკალიანი არაა სათვალავში. ეს ვირის ხორცი ამჯერად სამწუხაროდ სახელმწიფოს წარმოადგენს.
ასე რომ ბიძინა უვარგისი და აქოთებული ხორცია. ის გარეთ არავის უნდა, შიგნით კი ყველას დაგვწამლავს თუ დროზე არ მოვისროლეთ
Tina Bokuchava
#FreeSaakashvili’’, – წერს გიგი უგულავა სოციალურ ქსელში.
ავტორი
მარიამ ხაჩირაშვილი
