საქართველის პარლამენტართა საზოგადოების თავმჯდომარე, მანანა ჯებაშვილი სააგენტო ,,პარალელთან” ინტერვიუში 2024 წლის საპარლამენტო არჩევნებთან დაკავშირებით ემიგრანტებს მიმართავს:
,,უმნიშვნელოვანესი თხოვნაა საქართველოს მოსახლეობის მიმართ, რომ მათ არჩევნებში მონაწილეობა მიიღონ. განსაკუთრებით ეს თხოვნა ეხებათ ქართველ ემიგრანტებს.
ყველამ კარგად ვიცით, მოლდოვა გადაარჩინა ამ ქვეყნის ემიგრაციამ. ამდენად, თავისი სამშობლო ემიგრანტებმა გადაარჩინეს, ვინაიდან სხვა გამოსავალი არ არსებობდა. მათ კარგად გაიაზრეს ეს პროცესი.
უდიდეს პატივს ვცემ ქართველ ემიგრანტებს, რომლებსაც, ფაქტიურად, თავი გაწირული აქვთ, იმათზე ხარჯზე არსებობს დღეს საქართველო. მილიონზე მეტი საქართველოს მოქალაქე არის ემიგრაციაში წასული. ის მილიონზე მეტი მოქალაქე მინიმუმ 3 ადამიანს ხომ ინახავს. გამოდის 3 მლნ ადამიანი. ე.ი საქართველოს მოსახლეობა თითქმის მთლიანად – ინახავს ემიგრაცია. ეს არის საქართველოს ეკონომიკა. საქართველოს მარტივი ეკონომიკა აქვს. საქართველოს ეკონომიკა დგას გასული ემიგრანტების ხარჯზე.
ეს ადამიანები ასე რომ წვალობენ, მათთვისაც ეს ხომ იქნება შვება?! ამდენად ვთხოვ ქართულ ემიგრაციას, რომ მათ მისცენ ხმა პროდასავლურ პარტიას, ამ შემთხვევაში, ოპოზიციას. ბუნებრივია, თვითონ უნდა აარჩიონ რომელ პარტიას, ოღონდ მისცენ ხმა. მივიდნენ ურნებთან, დადგნენ საკონსულო აღრიცხვაზე.
ჩვენ შეგვიძლია ამაში დავეხმაროთ, ტექნიკურად, აღმოვუჩინოთ იურიდიული დახმარებაც, უფასო კონსულტაციები.
ძალიან ვთხოვ ყველა ემიგრანტს, როგორმე იქნებ… რუსეთთან ბრძოლის ეს ბოლო რაუნდი გვაქვს მოსაგები! ამდენად, უმორჩილესად გთხოვთ, მიიღეთ მონაწილეობა არჩევნებში და მიეცით ხმა თქვენს რჩეულ პარტიას”, – განაცხადა მანანა ჯებაშვილმა.
ავტორი
ნინი ხიჯაკაძე
