,,სტრატეგია აღმაშენებლის” პოლიტიკური საბჭოს წევრი, სერგო ჩიხლაძე ტვ ,,ფორმულას” ეთერში ვახო სანაიას საავტორო გადაცემაში საუბრობს მოახლოებულ საპარლამენტო არჩევნებთან დაკავშირებით და კოალიციის გეგმებზე:
,,ჩვენი კოალიცია, ,,ნაციონალური მოძრაობა”, ,,სტრატეგია აღმაშენებელი”, ბევრ სხვა ადამიანს იხილავთ კიდევ – ვიქნებით ყველა რეგიონში, სოფელში, ქალაქში. ბოლომდე ვიბრძოლებთ ამ ქვეყნის კეთილი მომავლისთვის.
ასევე, მე დარწმუნებული ვარ, რომ მიუხედავად გარკვეული განსხვავებებისა და მრავალფეროვნებისა, ჩვენ ძალიან ბევრი შეხების წერტილი გვაქვს, მხედველობაში მაქვს ოპოზიციურ პარტიებს და მათ შორის, მოქალაქეებს, ვისაც შეიძლება ოპოზიციური პარტიებიც არ მოსწონდეთ. მთავარი შეხების წერტილი ეს არის ჩვენი სამშობლო, ქვეყანა, მომავალი, ხომ?!
რაღაცა პოსტულატებია, რაზეც ყველა ვთანხმდებით. ამისთვის ნამდვილად ყველაფერს გავაკეთებთ. ნამდვილად ვიქნებით ამ ბრძოლის წინა ხაზზე, ძალიან რთული ბრძოლა იქნება ამ სამთვენახევრში.
ძალიან დიდი იმედი გვაქვს ჩვენი ახალგაზრდების, მიუხედავად პოლიტიკური კუთვნილებისა, აპოლიტიკურობისა. ისინი ძალიან მნიშვნელოვან როლს იტყვიან ამ ქვეყნის საქმეში”, – განცხადა სერგო ჩიხლაძემ.
ავტორი
ნინი ხიჯაკაძე
