სამშაბათი, ივლისი 23, 2024

“პრობლემა, რომელიც აწუხებთ ჩვენს სტუდენტებს და არავინ საუბრობს, არის სტუდენტების მძიმე მატერიალური მდგომარეობა, პირდაპირ ვთქვათ, სიღარიბე” – გია ჯაფარიძე

საერთაშორისო ურთიერთობების სპეციალისტი, გია ჯაფარიძე ვიდეო მიმართვაში საუბრობს ქვეყანაში არსებულ მძიმე სოციალურ-ეკონომიკურ პრობლემაზე, რომელიც განსაკუთრებით თავს იჩენს სტუდენტების ცხოვრებაში:

,,მე ძალიან დიდ დროს ვატარებ სტუდენტებთან და სტუდენტების გარემოცვაში. ერთი პრობლემა, რომელიც აწუხებთ ჩვენს სტუდენტებს და არავინ საუბრობს, არის სტუდენტების მძიმე მატერიალური მდგომარეობა. პირდაპირ ვთქვათ, სიღარიბე. ეს სიღარიბე იწვევს შემდეგ რამდენიმე ნეგატიურ შედეგს.

პირველი – სტუდენტებს უწევთ სწავლის პარალელურად მუშაობა. ეს სამუშაო ძირითადად არის ხოლმე ღამის საათებში. სტუდენტებს, ფაქტობრივად, არ სძინავთ, ლექციებზე მოდიან დაღლილები, უძინარი და შემდეგ ათვისების უნარიც აღარ არის ისეთი, როგორიც გამოძინებულ და დასვენებულ ადამიანს აქვს. ეს აისახება კიდევ მათ მოსწრებაზე, შედეგებზე – შუალედურ თუ ფინალურ გამოცდებზე. სტუდენტებს არ რჩებათ იმის დრო, რომ იკითხონ წიგნები, იმეცადინონ, ისწავლონ და მოემზადონ გამოცდებისთვის. ეს არის მერე ერთ-ერთი მიზეზი მათი დაბალი წარმატების.

მეორე უარყოფითი შედეგი, რაც მატერიალურ გაჭირვებას მოჰყვება არის ის, რომ სტუდენტებს ხშირად უწევთ, როგორ ვთქვათ, შიმშილი. ამ სიტყვის პირდაპირი მნიშვნელობით. ან მათ არ აქვთ იმის საშუალება, რომ იკვებონ ისე, როგორც მათ ასაკში ადამიანები უნდა იკვებებოდნენ და თუ ვთქვათ, იკვებებიან – იკვებებიან ისეთი საკვებით, რომელიც არის დაბალი ნუტრაციის და არ შეიცავს პროტეინებს და ა.შ. ეს საკვები არის აუცილებელი, ასე ვთქვათ, ტვინის მკვებავია. ჩვენი სტუდენტები ასეთ საკვებს ვერ იღებენ. ან საერთოდ ვერ იღებენ საკვებს, ან ასეთ საკვებს ვერ იღებენ.

მე მინახავს შემთხვევები, როდესაც გრამები დაუთვლიათ წიწიბურაში, როცა ვთქვათ 20 თეთრი არ ჰყოფნიდა საკვებზე, ეს 20 თეთრის წიწიბურა დაუბრუნებიათ უკან.

ეს არის ძალიან დიდი პრობლემა. მე მგონია, რომ ეს არის, ალბათ, ერთ-ერთი უმთავრესი პრობლემა ქვეყანაში, რომელიც საჭიროებს სასწრაფოდ რეაგირებას და პასუხს“, – განაცხადა გია ჯაფარიძემ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული