“ანტისაოკუპაციო მოძრაობის” ლიდერი დავით ქაცარავა Facebook-ის პირად გვერდზე სტატუსს აქვეყნებს, სადაც აცხადებს, რომ 5 ივლისს მისი სასამართლო პროცესი გაიმართება:
,,გუშინ მომივიდა შეტყობინება სასამართლოდან: 5 ივლისს ქოცრეჟიმი მასამართლებს იმისთვის, რომ 14 მაისს სადამსჯელო რაზმმა გამიტაცა და ჩამიტარა ეკზეკუცია.
ალბათ, მოიყვანენ პოლიციელებს და ტრადიციულად ათქმევინებენ, რომ სამხრე კამერები გათიშული იყო და აი, ზუსტად მაგ დროს დედის რძე ვაგინე მათ.
რაც გამიკეთეს ამ ჯალათებმა, კი იყვნენ ამისთვის საგინებლები, მაგრამ მართლა არ მიგინებია. არც შარდი შემისხამს მათთვის (საბურთალოს გამგეობის თანამშრომელმა სცადა ამ ჭორის გავრცელება)
მოკლედ, 5 ივლისს შაპიტოს მორიგი სხდომა გაიმართება.
ფოტოს კი შეხსენებისთვის ვამატებ, თუ რისთვის უნდა გამასამართლონ ამ რუსის მონებმა.
დრონი მეფობენ, დრონი… 😉”, – წერს დავით ქაცარავა
ინფორმაციისთვის: დავით ქაცარავას 14 მაისს ე.წ. ,,რუსული კანონის” საპროტესტო აქციების დროს ფიზიკურად გაუსწორდნენ.
ავტორი
ნინი ხიჯაკაძე
