ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” კონკრეტულ ინფორმაციას ავრცელებს და პოლიტიკურ შეფასებას აკეთებს პარტია ,,ქართული ოცნების” დამფუძნებლისა და საპატიო თავმჯდომარის, ბიძინა ივანიშვილის ე.წ. შიკრიკებზე ამერიკაში:
,,ჩვენი ხელისუფლება აქ რომ პოზებში დგას, ,,ჩვენ რაღაც… ჩვენი სუვერენიტეტი, სხვისი აზრი გვაინტერესებს” და რაღაც გულში მჭიდებს რომ ირტყამენ, სინამდვილეში – იმდენად შეშინებულები არიან, შიკრიკს შიკრიკზე აგზავნიან, იქნებ როგორმე გაიგონ მაინც იქ რა ხდება.
ბიძინა ივანიშვილს ჰყავს გაგზავნილი საქართველოს მთავრობის ერთ-ერთი წარმომადგენელი თავის პერსონალურ შიკრიკად.
[წამყვანის შეკითხვა] შედეგები ხომ არ იცით?
ჯობდა, რომ არ გაეგზავნა. ეს კიდევ ერთი მაგალითია იმის, თუ როგორ არ ესმის დღევანდელ ხელისუფლებას, როგორ ფუნქციონირებს ინსტიტუციონალური დემოკრატია.
მათ მართლა ჰგონიათ, რომ ტრამპი, დემოკრატები იქნებიან თუ რესპუბლიკელები, გრძელ და საშუალო ვადიან ამერიკულ სტრატეგიაზე საქართველოსთან მიმართებაში რაიმეს რადიკალურად შეცვლის. ეს ერთი – ეს ჰგონიათ.
მეორე კიდევ ჰგონიათ, რომ პოლიტიკიდან გაწეული ე.წ. საპატიო თავმჯდომარე ქვეყნის ერთ-ერთ მთავარ პოლიტიკურ ნუ ძალოვან ფიგურას რომ აგზავნის შიკრიკად, თავის ფოსტალიონად უცხო ქვეყანაში, ეს ჰგონია ან სწორად, ან თავისი უძლეველობის წარმომსახველად…”, – განაცხადა გიორგი გახარიამ.
ავტორი
ნინი ხიჯაკაძე
