საქართველოს მე-3 პრეზიდენტი, მიხეილ სააკაშვილი სასამართლო პროცესზე სიტყვით გამოსვლის დროს ემოციურ შეფასებას აკეთებს საპარლამენტო არჩევნებამდე დარჩენილ პერიოდთან დაკავშირებით:
,,მინდა ვუთხრა ყველას – წინ რამდენიმე თვეა წარმოუდგენლად დაძაბული, მაგრამ ეს არის თვეები, როდესაც გადაწყდება საქართველო დარჩება თუ გაქრება.
ეს არის თვეები, როცა გადაწყდება, საქართველოში დაედგომება ხალხს თუ აქედან ყველა საბოლოოდ უნდა გადაიხვეწოს.
მე მინდა, რომ ყველას ვუთხრა – ჩვენ უნდა დავრჩეთ აქ! ჩვენი ქვეყანაა ეს. მე გავწირე ჩემი სიცოცხლე, ჩამოვედი აქ, გადავდე ჩემი სიცოცხლე ყველანაირ უბედურებაზე და კიდევ ველი უამრავ უსიამოვნებას – იმისათვის, რომ ჩვენი ქვეყანა გადაგვერჩინა.
წინ იქნება დიდი პროვოკაციები. ჩვენ საქმე გვაქვს რეჟიმთან, რომელსაც წყვიტავს, რა თქმა უნდა, პირდაპირ მოსკოვი და .,ფე-ეს-ბეში” იგეგმება ეს პროვოკაციები.
მე მინდა შევახსენო ყველას, რომ პატარა ბარბარე რაფალიანცის მკვლელობით მოსული ხალხია ეს, ციხის დადგმული კადრებით მოსული…
ჩვენ უნდა შევკრათ ერთიანი დიდი კოალიცია, მაქსიმალურად ფართო, რაც კი შესაძლებელია. მხარს ვუჭერ ერთიანობის დეკლარაციას, რაზეც ბრიუსელში შერთანხმდნენ ოპოზიციური პოლიტიკური პარტიები და ვუჭერ მხარს ევროპისკენ.
ნუ შეგვეშინდება პროვოკაციების. ნუ შეგვეშინდება ძალადობის იმოტომ, რომ ჩვენ აუცილებლად გამოგვივა ყველაფერი. ჩვენ გავიმარჯვებთ სახელოვნად, ამაში ვარ დარწმუნებული”, – განაცხადა მიხეილ სააკაშვილმა.
ავტორი
ნინი ხიჯაკაძე
