“ლიეტუვის მოწოდება ქართველი ხალხისადმი არის ის, რომ გავაგრძელოთ ბრძოლა თავისუფლებისთვის, დემოკრატიისთვის, ევროკავშირისთვის და მათი იმედი, სურვილი არის, რომ 26 ოქტომბერს ყველაფერი უკეთესობისკენ შეიცვლება”, – ამის შესახებ “სტრატეგია აღმაშენებლის” საგარეო მდივანმა სერგო ჩიხლაძემ განაცხადა.
ლიეტუვაში საქმიანი ვიზიტით მყოფი ოპოზიციის ლიდერები შეხვედრების გამართვას აგრძელებენ.
ჩიხლაძის თქმით მთავარი საქმე ქართველ ხალხთან ერთად 26 ოქტომბერს უნდა გაკეთდეს:
“განსაკუთრებით თბილი შეხვედრა მოგვიწყეს ლიეტუის პარლამენტში საქართველოს ოპოზიციის წარმომადგენლებს, ასე ხვდებიან ნამდვილად მეგობრებს.
მათი მოწოდებაც ქართველი ხალხისადმი არის ის, რომ გავაგრძელოთ ბრძოლა თავისუფლებისთვის, დემოკრატიისთვის, ევროკავშირისთვის და მათი იმედი, სურვილი არის, რომ 26 ოქტომბერს ყველაფერი უკეთესობისკენ შეიცვლება, რომ საქართველოს აღარ ეყოლება ხელისუფლება, რომელიც ეღობება ევროკავშირს, აღარ ეყოლება ხელისუფლება, რომელიც გვაკარგვინებს ჩვენს მეგობრებს და კეთილი ნების ელჩებს ევროკავშირში.
ეს უნდა შეიცვალოს და ეს მთავარი საქმე ჩვენ გასაკეთებელი გვაქვს ყველას ერთად, საქართველოს მოქალაქეებთან ერთად ქვეყნის შიგნით 26 ოქტომბერს” – აცხადებს სერგო ჩიხლაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
