“ცდილობენ დააშინონ ქართველი ახალგაზრდები, მაგრამ ამ დახვედრებით ვერავის შეაშინებენ” – საბა ბირკაია

,,ერთიანი ნაციონალური მოძრაობის” ახალგაზრდული ორგანიზაციის წევრი, საბა ბირკაია სააგენტო ,,პარალელთან” ინტერვიუში საუბრობს ე.წ. ,,ტიტუშკებთან” დაკავშირებით, ორგანიზებული ძალადობის ფაქტებზე:

• როგორც ვხედავთ ისევ გრძელდება ძალადობის ორგანიზებული ფაქტები. რა კომენტარს გააკეთებდით ამასთან დაკავშირებით? რა პროცესებთან გვაქვს საქმე?

– ისინი ცდილობენ ამ ქმედებით დააშინონ ქართველი ახალგაზრდები, მაგრამ ისინი ვერ ხვდებიან, რომ ამ დახვედრებით ვერავის შეაშინებენ.

რეალურად თუ კი ვინმეა შეშინებული ამ პროცესით ეს არის ,,ქართული ოცნება”, ეს შიში გამოიხატება იმით, რომ მათ ეშინიათ ძალაუფლების დაკარგვის.

ამ ყველაფრის გამომწვევი მიზეზი, სწორედ ის ,,რუსული კანონია”, რაც ჩვენმა რუსმა ხელისუფლებამ გამოგვიცხადა. ისინი ცდილობენ, რომ ჩამოგვაშორონ ევროპას და გაგვიშვან რუსულ ნაგავსაყრელზე.

ავტორი
მარიამ ხაჩირაშვილი