სამშაბათი, ივლისი 23, 2024

“ადამიანი რომ მუშაობს, იმას მინიმალური შემოსავალი უნდა ჰქონდეს, რომ ორმა ზრდასრულმა ადამიანმა ოჯახი არჩინოს” – გიორგი გახარია

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია მოსალეობასთან შეხვედრის დროს საუბრობს სოციალურ პროგრამასთან დაკავშირებით:

,,ჩვენ გავაკეთეთ ჩვენი სოციალური პროგრამა, სადაც საბაზისო კანონით დამტკიცებული და დადასტურებული უნდა იყოს, რომ მინიმალური ხელფასი არ უნდა იყოს 950 ლარზე ნაკლები. ადამიანი რომ მუშაობს, იმას მინიმალური შემოსავალი უნდა ჰქონდეს, რომ ორმა ზრდასრულმა ადამიანმა ოჯახი არჩინოს, თუ 2 შვილი ჰყავს – ეს ერთი.

მეორე, უმუშევრობის დაზღვევა. უმუშევრობის დაზღვევა ნიშნავს იმას, რომ ადამიანი, რომელიც მუშაობს და ამ მუშაობიდან გამომდინარე, მიდის და რაღაც ბანკში კრედიტს იღებს, ეს ადამიანი მერე უეცრად სამსახურს რომ კარგავს, ბანკროტი რომ არ გახდეს და ბანკმა არ გადააგდოს მიკროსაფინანსოში, მერე მიკროსაფინანსომ მევახშესთან და რომ არ დაიღუპოს, 6 თვით სახელმწიფომ უნდა უზრუნველყოს მას უმუშევრობის დაზღვევა მინიმალური ხელფასის ოდენობით. 6 თვეში ახლა საქართველოში სამსახური როგორმე უნდა იპოვო, უნდა იშოვო. ეს არის ძალიან მნიშვნელოვანი.

პენსია, რა თქმა უნდა, 3 წელიწადში უნდა გადასცდეს მინიმალურ ხელფასს. ეს ყველაფერი არის ის სტანდარტები, რომელიც ევროპაში უკვე მოქმედებს. ეს არ არის რაღაც სურვილები. ეს არის ის, რაც ბიუჯეტში ფული დევს და ახლა ესენი იპარავენ, სახლში მიაქვთ. სწორედ ამიტომ უნდათ საპენსიო ფონდის ბორდის გაუქმება, რომ მერე შეძვრნენ და ის 5 მილიარდიც ესე დაიყონ და სახლში წაიღონ”, – განაცხადა გიორგი გახარიამ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული