“ბიძინა ივანიშვილი არის საქართველოს სხეულში გაჩენილი ავთვისებიანი პოლიტიკური სიმსივნე, რომელიც რაც შეიძლება მალე უნდა ამოიკვეთოს” – გია ნოდია

ბიძინა ივანიშვილის მიერ “კრისტის” აუქციონზე იოანე ზოსიმეს უნიკალური ხელნაწერი წიგნი შეძენას თავისი ლოგიკური “ფორმულით” აფასებს განათლების ყოფილი მინისტრი, პოლიტიკის ექსპერტი გია ნოდია:

“A. თავისთავად სასიამოვნო ფაქტია, რომ იოანე ზოსიმეს ხელნაწერი საქართველოში იქნება. მთავარია, ის კარგად იყოს დაცული და მკვლევართათვის მისაწვდომი, მაგრამ საქართველოში მისი ყოფნა რომ გაგვეხარდეს, ცოდვა არაა. ამ აზრით, ბიძინა ივანიშვილმა კარგი საქმე გააკეთა;

B. ბიძინა ივანიშვილი არის საქართველოს სხეულში გაჩენილი ავთვისებიანი პოლიტიკური სიმსივნე, რომელიც რაც შეიძლება მალე უნდა ამოიკვეთოს. [შენიშვნა ქოცპროპაგანდისტებისთვის: ეს მეტაფორაა და ძალადობისკენ მოწოდებას არ შეიცავს];

C. A და B წინადადებებს შორის არავითარი წინააღმდეგობა არ არის“, – წერს ფეისბუქის პირად გვერდზე გია ნოდია.