“ქვეყნის ევროპულ მომავალს საფრთხეს რომ უქმნის და ხელაღებით ყიდის, იმ ხელისუფლებისგან “კაპიკების მატება” ვერ გააბედნიერებს მასწავლებელს!” – ამის შესახებ “სტრატეგია აღმაშენებლის” წევრმა და განათლების მიმართულების ხელმძღვანელმა ნანა ტოხვაძემ განაცხადა.
ტოხვაძე დღეს პარლამენტში განათლების მინისტრის საათის ფორმატში მისული გიორგი ამილახვარის განცხადებებს ეხმაურება:
“საარჩევნო ანკესი გულუბრყვილოთათვის – ასე შეიძლება შეჯამდეს განათლების მინისტრის მოხსენება პარლამენტში!
ალბათ, მადლიერებასაც ელიან მასწავლებლებისგან, როცა:
- ინფლაციის და კატასტროფული ფასების ფონზე, “უპრეცედენტო” ზრდის მიუხედავად, განათლება კვლავ ყველაზე დაბალანაზღაურებად სფეროდ რჩება!
- ახალი სახელფასო ფორმულა სახელმწიფო საიდუმლოებად აქციეს და არავინ იცის ვის რამდენი ემატება (თუ ემატება);
- პოლიტიკური მიზანშეწონილობის საფუძველზე ინიშნებიან/აირჩევიან დირექტორები, ნაწილდება საათები, რიგდება სტატუსები! კვლავ შიმშილობით უწევთ სამართლის ძიება პოლიტიკური ნიშნით დაბლოკილ დირექტორობის კანდიდატებს!
ქვეყნის ევროპულ მომავალს საფრთხეს რომ უქმნის და ხელაღებით ყიდის, იმ ხელისუფლებისგან “კაპიკების მატება” ვერ გააბედნიერებს მასწავლებელს!
სკოლას შველა სჭირდება და აუცილებლად უნდა გავიმარჯვოთ ოქტომბერში”, – განაცხადა ტოხვაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
