პრემიერ-მინისტრი, ირაკლი კობახიძე ჟურნალისტებთან კომენტარს აკეთებს დასავლეთის მხრიდან მოსალოდნელ სანქციებთან დაკავშირებით:
[ჟურნალისტის მიმართვა]: დაგვისახელეთ ერთი ქვეყანა, რომელიც მხარს უჭერს ,,რუსულ კანონს”.
– კიდევ ერთხელ გავიმეორებ, თუ ვინმეს აქვს პრეტენზიები, კეთილი ინებოს და დამიჯდეს საჯარო დისკუსიაში. ვერ ბედავენ, გაურბიან საჯარო დისკუსიას, მაინც აგრძელებენ დაუსაბუთებელ კრიტიკას.
[ჟურნალისტის შეკითხვა]: ვინ ვერ ბედავს, თქვენ, მაგალითად, რუსეთს ჩაგვაბარეთ…
– ასეთი სისულის თქმა როგორ შეიძლება – რაის რუსეთს ჩაგაბარეთ?! რა სისულელეს ამბობთ. თქვენმა პოლიტიკურმა პარტიამ შემოიყვანა რუსული ტანკები საქართველოში და ქვეყნის 20% ჩააბარა.
[ჟურნალისტის შეკითხვა]: ვიზალიბერალიზაციის შესახებ მოხდება გადახედვა – ევროკავშირის ელჩმა განაცხადა ამასთან დაკავშირებით. პასუხისმგებლობას აიღებთ? ხალხს აუხსნით, რომ შესაძლებელია ევროპაში ვეღარ ვიაროთ?
– ბევრი რამით გვემუქრებოდნენ გასული დღეების განმავლობაში. მათ შორის, სლოვაკეთის პრემიერის ბედის გაზიარებით, რომელსაც ტყვია ესროლეს რამდენიმე კვირის წინ.
[ჟურნალისტის შეკითხვა]: თქვენ გეშინოდათ, რო მოგკლავდნენ?
– არავითარ შემთხვევაში. მე არაფრის არ მეშინოდა. ჩვენ პირდაპირი ფორმით დაგვემუქრნენ.
რაც შეეხება სლოვაკეთის პრემიერის საკითხს და შესაბამის მუქარას, ამასთან დაკავშირებით, თუ ექნება რომელიმე ქვეყანას ინტერესი, მზად ვარ, რომ გამოძიებას მივცე ინფორმაცია და მტკიცებულება.
ავტორი
ნინი ხიჯაკაძე
