ამერიკული გამოცემა “ბლუმბერგის” (“Bloomberg Opinion”) მიერ გამოქვეყნებულ სტატიაში წერია, რომ ბიძინა ივანიშვილმა ვაშინგტონში ახალი ლობისტური კომპანია დაიქირავა. “ახალი საქართველოს” თავმჯდომარე, გიორგი ვაშაძე გამოქვეყნებულ სტატიას ეხმაურება, სადაც ბიძინა ივანიშვილი “ჩრდილოვან ბოსად” არის მოხსენიებული. გაერთიანებული ოპოზიციის ერთ-ერთ ლიდერის თქმით, მსგავსი სტატიები ქვეყნისთვის მნიშვნელოვნად საზიანოა.
“ახალი მეტსახელი აქვს დასავლეთისთვის ბიძინა ივანიშვილს – “ჩრდილოვანი ბოსი”, რაც ძალიან ცუდია ჩვენი ქვეყნისთვის, მაგრამ მთავარი არის ის, რომ ვინც არ უნდა დაიქირავონ, ვერაფერს ვერ იზამ, როცა შენ ანტისახელმწიფოებრივი დემოკრატიის საწინააღმდეგო ნაბიჯებს დგამ საქართველოში.
ვერავის შეიყვან შეცდომაში, ვერც მოატყუებ, ვერც მედიებში შეკვეთილი სტატიები გიშველის და ვერც ვერაფერი,” – აცხადებს გიორგი ვაშაძე ბიძინა ივანიშვილის მისამართით.
ავტორი
თეო იორდანიშვილი
კომენტარები - დატოვეთ თქვენი მოსაზრება
