საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარს აკეთებს იმასთან დაკავშირებით, თუ რა მოლოდინები აქვთ სტრატეგიული პარტნიორების გადაწყვეტილებებთან დაკავშირებით, იმ ფონზე, როცა მმართველი პარტია 27-28 მაისს აპირებს, რომ ე.წ. ,,რუსულ კანონზე” ვეტო დაძლიოს:
[ჟურნალისტის შეკითხვა]: ბატონო შალვა, სანქციებთან დაკავშირებით, თუ ელოდებით თქვენს სახელსა და გვარს სანქცირებულთა სიაში?
“ამ საკითხთან დაკავშირებით საერთოდ არ ვფიქრობ. ჯერ ეს ერთი, არასერიზულია ასეთი დამოკიდებულება. რა თქმა უნდა, არ შეეფერება იმ ზომის სახელმწიფოს, როგორიც არის აშშ, ამ ზომის სახელმწიფოს, რომელიც არის საქართველო, ასეთი ინსტრუმენტებით ლაპარაკობდეს.
მეორე, საქართველოს ხელისუფლება არასდროს მოქმედებს არცერთი ქვეყნის შანტაჟის ქვეშ. მე მგონი, ეს ბევრმა დაინახა.
ჩვენს მიმართ სანქციები ახალი არ არის, როგორც სხვა დროს სხვა ქვეყნებიდან სანქციებზე ქართველი ხალხის პასუხი იყო, რომ ,,არავინ არ დათმობს თავის ეროვნულ ინტერესებს”, ასე იქნება ამ შემთხვევაში.
ჩემი მოლოდინია, რომ ასეთი ენით, ასეთი ინსტრუმენტებით სტრატეგიული პარტნიორი პარტნიორს არ უნდა ელაპარაკებოდეს. ჩვენ ამერიკელ ხალხთან გვაქვს აბსოლუტურად სხვა დამოკიდებულება და ვფიქრობ, ეს განცხადებები აცდენილია ამერიკელი ხალხის ნებას”, – განაცხადა შალვა პაპუაშვილმა.
ავტორი
ნინი ხიჯაკაძე
