საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის პროფესორი, ბეჟან ჯავახიამ ბრიფინგი გამართა, სადაც პოლიტიკურ პარტიებს გაერთიანებისკენ მოუწოდა. სააგენტო ,,პარალელთან” ინტერვიუში იგი საუბრობს ქვეყანაში არსებულ ვითარებასა და ოპოზიციური ფლანგის ერთიანობის აუცილებლობასთან დაკავშირებით:
,,მოვლენები ძალიან სწრაფად იცვლება. ასეთ მხარდაჭერას ევროპისგან და ასეთ დაქცევას ამ ხელისუფლების, პირდაპირ გამომჟღავნებას ხომ არ ველოდით?! ამ წუთში ვფიქრობ, პირველი ამოცანა არის, რომ ჩვენ არჩევნებამდე უნდა მივიდეთ რაღაც საარჩევნო პირობებით და მდგომარეობით. ჩვენ ეს კანონი თუ არ დავაბრუნებით უკან, თუ ჩვენ საარჩევნო სისტემაში ცვლილებები და ცესკოს ფორმირებაში არ მივიღეთ მონაწილეობა, თვითონ ამ პარტიების ორგანიზებულობაში, ჩვენ მასე არჩევნებამდე ვერ მივდივართ, ანუ წამგებიანია. ამიტომ დღეს პირველი ეტაპის გაერთიანება, არის უპირობო ერთიანობა ამ კონკრეტული პირობების თაობაზე.
რაც შეეხება არჩევნების წინ, რასაკვირველია, ის დრო გვიჩვენებს, რომელსაც ჩვენ მივადგებით.
ძალიან რთულია, რის მიხედვითაც განასხვავებენ პარტიებს. ძალიან მაინტერესებს, ვინ არის ისეთი, რომელიც არ არის ან ,,ნაცი”, ან ,,ქოცი”. შუალედურ პარტიებს, რომლებსაც ეს ადამიანები ასახელებენ, თუ გახსოვთ, ,,რესპუბლიკელებმა”, ,,თავისუფალმა დემოკრატებმა”, ,,სახალხო ფორუმმა” და ,,კონსერვატორებმა”, ყველამ 1 მლნ აიღო იმაში, რომ ბიძინა ხელისუფლებაში მოეყვანათ.
ახლა მაპატიეთ, ესენი არ არიან არც ერთი ,,ქოცები”?! არ არის უსუფაშვილი ,,ქოცი”, რომელიც ,,ლელოშია” და მე ვარ ,,ნაცი”, რომელიც მხარს ვუჭერ, ვთქვათ – მიშას ან ,,ნაციონალებს” იმიტომ, რომ მიმაჩნია, ამას ამ წუთში შეუძლია ჩვენი წინ წაწევა?!
პოლიტიკა არ მთავრდება, პოლიტიკა არის განვითარებადი, რისი მიღწევა შეგიძლია? ამ შემთხვევაში, ჩვენ შეგვიძლია ამით, რომელიც ყველაზე ძლიერი პარტიაა, რომ მან უფრო წინ გადაგვადგმევინოს ნაბიჯი, როგორც ეს წინა 9 წელს მოხდა. ამ პრინციპით ვლაპარაკობთ”, – განაცხადა ბეჟან ჯავახიამ.
ავტორი
ნინი ხიჯაკაძე
