“ეს კანონპროექტი არის სიტყვა-სიტყვით იგივე კანონი, რაც პარლამენტმა მიიღო” – ირაკლი ქადაგიშვილი

საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი ჟურნალისტებთან კომენტარს აკეთებს პრეზიდენტის ვეტოსა და მის დაძლევაზე ,,უცხოური გავლენის გამჭვირვალობის შესახებ” კანონთან დაკავშირებით, რომელსაც ოპოზიცია, არასამთავრობო სექტორი და საზოგადოების გარკვეული ნაწილი ,,რუსულ კანონს” უწოდებს:

,,ეს კანონპროექტი არის სიტყვა-სიტყვით იგივე კანონი, რაც პარლამენტმა მიიღო. ბოლოში [პრეზიდენტმა] დაამატა ერთი ფრაზა, რომ ამ კანონის ამოქმედების ვადა არის 1 დღე.

სამართლებრივი, რომ იტყვიან, შენიშვნა ამ კანონს ამის გარდა ვერაფერი დაურთო.

მე ჩავწერდი ამ ბოლო პუნქტს ასე – ეს კანონი იმოქმედებს საქართველოს ევროკავშირში გაწევრიანებამდე.

[ჟურნალისტის შეკითხვა]: ვეტო დაძლეული იქნება?
– რა თქმა უნდა, დიახ!”, – განაცხადა ირაკლი ქადაგიშვილმა.

ავტორი
ნინი ხიჯაკაძე