“მე მგონი, ვერც ხვდებიან, რომ დღეს, ფაქტობრივად, ისინი ისტორიაში ფილიპე მახარაძის და ორჯონიკიძის როლს ასრულებენ” – გიორგი გახარია მმართველი პარტიის ლიდერებზე

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს საქართველოს ევროპულ პერსპექტივასთან დაკავშირებით:

,,ჩვენ ერთხელ გვქონდა გამოცდილება დამოუკიდებლობის – 2018-2021 წლებში. მოგეხსენებათ, რომ მაშინ ორჯონიკიძეებმა და მახარაძეებმა შეძლეს ის, რომ საქართველოს ეს პერსპექტივა მოუკლეს. იმიტომ, რომ მაშინდელი პირველი რესპუბლიკაც აბსოლუტურად ევროპულ ფასეულობებზე დაფუძნებული რესპუბლიკა იყო.

დღეს, ეროვნული მოძრაობის ბოლო ფაზის შემდგომ, ჩვენ, პირველად 30 წლის განმავლობაში კი არა, საუკუნეების განმავლობაში, ისე ახლოს მივედით ევროკავშირის, ევროპის კართან, რომ არ ვყოფილვართ არასდროს, ვერც ვიოცნებებდით.

მეტსაც გეტყვით, ეს კარი ღიაა, გვეუბნებიან – ,,გაატარეთ ეს 9 პუნქტის რეფორმა, ჩაატარეთ ნორმალური არჩევნები და მეორე დღეს თქვენ დაიწყებთ მოლაპარაკებებს გაფართოების შესახებ”. ამ ცივილიზაციურ არჩევანს, დღეს, ვიღაცები, მე არ მინდა უბრალოდ… რომლებიც, მე მგონი, ვერც ხვდებიან, რომ დღეს, ფაქტობრივად, ისინი ისტორიაში ფილიპე მახარაძის და ორჯონიკიძის როლს ასრულებენ”, – განაცხადა გიორგი გახარიამ.

ავტორი
ნინი ხიჯაკაძე