ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აძლევს ,,ქართული ოცნების” ხელისუფლების მიერ ,,უცხოური გავლენის აგენტების” შესახებ კანონპროექტის პარლამენტში განმეორებით დაინიცირებას:
,,ოცნების” ვალდებულებაა, დაარწმუნოს საქართველოს მოქალაქე, რომ ეს კანონი რუსული არ არის და ამას ვერ ახერხებს. ეს იყო უზარმაზარი შეცდომა არა მხოლოდ მათთვის – პოლიტიკური, არამედ შეცდომა, რომელიც აზიანებს ქვეყანას.
გარდა ამისა, კიდევ უფრო დამატებითი ბევრი შეცდომები ჩაიდინეს ამ კანონთან დაკავშირებით. მაგალითად, წამოწიეს პარტიებში ,,შავი ფულის” საკითხი. იმიტომ, რომ ამას რაღაცნაირად გამჭვირვალობას უკავშირებ.
საერთოდ, ღიმილის მომგვრელია, როდესაც ,,ოცნება” პოლიტიკურ ცხოვრებაში ,,შავი ფულის” ფენომენზე ლაპარაკობს. ნუ, წარმოუდგენელია! თავიანთ მედიებში ჩაიხედონ – როგორ ფინანსდება მათი ,,იმედი”, ,,რუსთავი 2” და კიდე სხვა.
გარდა იმისა, რომ ,,ოცნება” ვერანაირად ვერ ახერხებს გადაარქვას ამ კანონს რუსული, დაიმატეს კიდევ ახალი თავის ტკივილი – ,,შავი ფული”, რომელზეც მე დარწმუნებული ვარ, ყოველდღიურად სულ უფრო და უფრო მეტ წნეხს მიიღებენ. ყოველ შემთხვევაში, ჩვენგან მიიღებენ.
როდესაც ,,ოცნება” ბედავს საერთოდ და პოლიტიკურ ცხოვრებაში ,,შავი ფულზე” ლაპარაკობს, ჩვეულებრივი იდიოტები არიან”, – განაცხადა გიორგი გახარიამ.
ავტორი
ნინი ხიჯაკაძე
