ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” საჯარო სექტორში მომუშავე პერსონალს მიმართავს:
,,ჩემი, როგორც ერთ-ერთი რიგითი მოქალაქის, მთავარი მოკავშირე, მხოლოდ და მხოლოდ, არიან საჯარო მოხელეები. იმიტომ, რომ მათ ძალიან კარგად იციან ის ფასი, რაც ჩვენ წლების განმავლობაში, ის ძალისხმევა, რომელიც გადავიხადეთ იმისთვის, რომ ქვეყანა ასე ახლოს მიგვეყვანა ევროპასთან და ისინი ძალიან კარგად ხედავენ, თუ ეს რადიკალიზაცია და არათანმიმდევრულობა, როგორ აზიანებს ამ პროცესს.
საჯარო სექტორმა ყველაზე კარგად იცის, რამხელა ზიანს აყენებს ეს ქვეყნის ევროპულ მომავალს.
მე მინდა, მათ უბრალოდ მოვუწოდო, მე არ მოვუწოდებ მათ, რა თქმა უნდა, რომ იმოქმედონ ვინმეს წინააღმდეგ – არა! მე მათ მოვუწოდებ მხოლოდ და მხოლოდ ერთს – იმოქმედონ ქვეყნის ინტერესებში და ამ ქვეყნის ევროპული მომავლის ინტერესებში! არ ემსახურონ პარტიას, ემსახურონ ქვეყანას და ემსახურონ სახელმწიფოს“, – განაცხადა გიორგი გახარიამ.
ავტორი
ნინი ხიჯაკაძე
