საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის პროფესორი, ბეჟან ჯავახია Facebook-ის პირად გვერდზე ემოციურ სტატუსს აქვეყნებს, სადაც საქართველოს უახლოესი წარსულიდან აწმყომდე პოლიტიკური მდგომარეობის მოკლე შეფასებით ანალიზს აკეთებს:
,,არც ვიცი, რა ჰქვია ამ მდგომარეობას…
იმიტომ, რომ დღემდე დგას ძეგლები იმ ადამიანების, ვინც თავში ჩაუდგა თბილისში რუსულ ჯარს ეროვნული ხელისუფლების დამხობის დროს.
ის, ვინც 2012 წელს მნიშვნელოვანი წვლილი შეიტანა ბიძინას რუსული რეჟიმის მოყვანასა და მისი რეჟიმის განმტკიცებაში, დღემდე ყელყელაობს სხვადასხვა მედია საშუალებებში.
და ყველა ის, ვინც საქართველოს დამოუკიდებლობის დაკნინების ფონზე დააგროვა კაპიტალი, ვინც რუსის კარზე გამდიდრდა, დღეს, მნიშვნელოვან ადგილს იკავებს პოლიტიკის სფეროში.
ეს ყველაფერი ბადებს ამომრჩეველში ნიჰილიზმს და ასევე, კარიერისტებს უხსნის გზას პირადი კეთილდღეობისათვის ნებისმიერი საშუალება გამოიყენონ.
უნდა შევაფასოთ ჩვენი წარსული… ეს აუცილებელია მომავლის სწორად დაგეგმისათვის!”, – წერს ბეჟან ჯავახია.
ავტორი
ნინი ხიჯაკაძე
