“კალაძემ განაცხადა, რომ თბილისის მერის “დამსახურებით” ადამიანი საქართველოს ნაკრებში შეიძლება მოხვდეს” – ნიკა გვარამია

საქართველოს ეროვნული ნაკლების ფეხბურთელ, გიორგი ქოჩორაშვილთან დაკავშირებით თბილისის მერის, კახა კალაძის მიერ გაკეთებულ განმარტებებს ეხმაურება პარტია “ახალის” თანადამფუძნებელი, განათლებისა და იუსტიციის ყოფილი მინისტრი ნიკა გვარამია:

“კალაძემ განაცხადა, რომ, არც მეტი, არც ნაკლები, თბილისის მერის “დამსახურებით” ადამიანი საქართველოს ნაკრებში შეიძლება მოხვდეს.

ყოვლისმომცველი რომაა საქართველოში კორუფცია, ამაზე მკაფიო აღიარება ჯერ არ მომისმენია.

ps სხვა საკითხია, რომ ქოჩორაშვილმა თუ არა, მაშინ აბა ვინ უნდა ითამაშოს საქართველოს სახელით?!” – წერს ფეისბუქის პირად გვერდზე ნიკა გვარამია.