„ლაზარეს ადგილას შეიძლება ნებისმიერი ჩვენგანი ყოფილიყო, რადგან ხელისუფლება გამოძიების დაწყებამდე ეძებდა არ არსებულ დამნაშავეს“ – ამის შესახებ „სტრატეგია აღმაშენებლის“ პოლიტიკური საბჭოს წევრმა და ახალგაზრდული ორგანიზაციის ხელმძღვანელმა ლაშა დიარვმა განაცხადა.
დიაროვის თქმით – „ჩვენი ვალია არ მივცეთ ივანიშვილს ამ ბიჭის დასჯის უფლება! ყველაფერი უნდა გაკეთდეს ლაზარეს გასათავისუფლებლად!“:
„ლაზარე გრიგორიადისი 9 წლიანი ციხისთვის გაიმეტეს იმიტომ რომ ევროპული მომავალი სურდა და ხმა აიმაღლა „რუსული კანონის“ წინააღმდეგ. ლაზარეს ადგილას შეიძლება ნებისმიერი ჩვენგანი ყოფილიყო, რადგან ხელისუფლება გამოძიების დაწყებამდე ეძებდა არ არსებულ დამნაშავეს.
ხელისუფლების უმაღლესმა პირებმა ახალგაზრდა მიზანმიმართულად პოლიტიკური მოტივებით ბრალის წარდგენამდე გამოაცხადა დამნაშავედ და შემდეგ სასამართლომ ყოველგვარი მტკიცებულებების გარეშე დაადასტურა ეს, რაც კიდევ ერთხელ ნათლად მიუთითებს, რომ გადაწყვეტილებების მიღებისას სასამართლო ხელმძღვანელობს პოლიტკური მოტივებით და არ არის დამოუკიდებელი.
ჩვენი ვალია არ მივცეთ ივანიშვილს ამ ბიჭის დასჯის უფლება! ყველაფერი უნდა გაკეთდეს ლაზარეს გასათავისუფლებლად!
ვფიქრობ, ასეთ პირობებში სწორი იქნება პრეზიდენტმა მიიღოს ლაზარეს გათავისუფლების გადაწყვეტილება“, – განაცხადა დიაროვმა.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს