7-9 მარტის საპროტესტო აქციების მონაწილის, ლაზარე გრიგორიადისის დედა, თამთა კალანდაძე სააგენტო ,,პარალელთან” ემოციურ შეფასებებს აკეთებს შვილის სასამართლო პროცესთან დაკავშირებით:
-
ლაზარეს რამდენჯერმე გადადებული დასკვნითი სასამართლო პროცესი გაიმართა თუმცა მოსამართლეს განაჩენი არ გამოუცხადებია, რა კომენტარს გააკეთებდი ამ თემასთან დაკავშირებით?
– ხვალ იქნება განაჩენი, დადგა ეს ბედნიერი დღე, რომელსაც წელიწადზე მეტია ველოდებით, ძალიან გაგვიჭიანურეს ეს პროცესი, ხელჩასაჭიდი არაფერი აქვთ, რომ ლაზარეს დაუმტკიცონ ის, რასაც აბრალებენ და წინა პროცესზე ეს ძალიან ნათლად ჩანდა. ჩვენმა დაცვის მხარემ საკმაოდ კარგი პასუხი გასცა პროკურატურას.
არ ვიცი ხვალ რა იქნება და მოსამართლე როგორ განაჩენს გამოიტანს, მაგრამ ნებისმიერ შემთხვევაში მოხარული ვარ, რომ ეს დღე დადგა. თუ გამამტყუნებელი იქნება განაჩენი აუცილებლად მივმართავთ ქალბატონ, სალომე ზურაბიშვილს. გამართლების შემთხვევაში სასიხარულო იქნება ეს ამბავი ალბათ ყველასთვის.
-
როგორ ფიქრობთ რა არის ლაზარეს 1 წლიანი პატიმრობის მიზეზი?
– 1 წლიანი პატიმრობის მიზეზი ის იყო, რომ სამაგალითოდ დაისაჯა ლაზარე, 7-8 მარტის აქციებზე იქ ყოფნის და რუსული კანონი გაპროტესტების გამო. აგერ კიდევ ხელმეორედ შემოვვიტრიალეს ეს კანონი და სჭირდებოდათ მათ განტევების ვაცი, ყველას ვერ დაიჭერდნენ, მაგრამ ლაზარე იყო მათი ტყვე და აშინებდნენ ახალგაზრდებს, აი გამოხვალთ და დაგემართებათ ის, რაც დაემართა ლაზარეს. მაგრამ არავის მათი არ ეშინია, ახალგაზრდები ძალიან შემართებით არიან და ჩვენ ვიბრძოლებთ საბოლოო გამარჯვებისთვის, ჩვენ გვჭირდება ევროპა და ჩვენ არ გვჭირდება რუსეთი და არაფერი რუსული.
ავტორი
მარიამ ხაჩირაშვილი
