“დღეს რასაც “ქართული ოცნება” შვრება ამ “რუსული კანონით” – ამ გზით ჩვენ დემოკრატიულ არჩევნებამდე ვერ მივალთ!” – ნიკა გვარამია

პარტია ,,ახალის” თანადამფუძნებელი, იუსტიციისა და განათლების ყოფილი მინისტრი, ნიკა გვარამია ჟურნალისტებთან პოლიტიკურ შეფასებას აკეთებს ევროსაბჭოს 9 რეკომენდაციის შესრულების პროცესთან დაკავშირებით:

,,საქართველოს ხელისუფლება ღიად და აფიშირებულად აფიქსირებს ნებას, რომ მას ევროკავშირი არ სჭირდება. ესეც გასაგებია იმიტომ, რომ ამ ხელისუფლებას აღელვებს საკუთარი თავის შენარჩუნება მმართველ პოზიციაზე. ეს მხოლოდ ხელისუფლების უზურპაციის სახით არის შესაძლებელი. ხელისუფლების უზურპატორების ადგილი კი ევროკავშირში არ არის. შესაბამისად მათი არჩევანი ვერ იქნება ბუნებრივად ევროკავშირი, მათი არჩევანია ის გავლენის სფერო, სადაც ხელისუფლების უზურპატორებს წყალობენ და მიესალმებია – ეს არის რუსული გავლენის სფერო.

ხოლო დღეს რასაც ,,ქართული ოცნება” შვრება ამ ,,რუსული კანონით”, ასევე, ნებისმიერ სხვა რეკომენდაციაზე უარის თქმით – ამ გზით ჩვენ დემოკრატიულ არჩევნებამდე ვერ მივალთ!”, – განაცხადა ნიკა გვარამიამ.

ავტორი
ნინი ხიჯაკაძე