,,გამარჯვების კოალიციის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე მწვავე შეფასებებს აკეთებს ,,ქართული ოცნების’’ მიერ დაინიცირებულ ,,უცხოური გავლენის გამჭვირვალობის შესახებ” კანონპროექტთან დაკავშირებით, რომელსაც ოპოზიცია და არასამთავრობო სექტორი ,,რუსულ კანონს” უწოდებს:
,,სამწუხაროდ ,,ქართულმა ოცნებამ’’ გადაწყვიტა, რომ დაადგეს საქართველოს ეროვნული ინტერესების ღალატის გზას და მან კვლავ შემოიტანა ,,რუსული კანონი’’, როგორც იცით და ბოლო დღეებია აწყდება ჩვენი დასავლელი პარტნიორების ძალიან მძიმე განცხადებები.
ეს იქნება ევროპარლამენტარები, ევროპული ინსტიტუციის წარმომადგენლები, სენატის, კონგრესის წარმომადგენლები, სახელმწიფო დეპარტამეტი, ჰელსინკის კომისია, ნატოს გენერალური მდივანი, ფაქტობრივად ჩვენი მეგობარი ქვეყნები და აქ ყველაზე დიდი საფრთხე არის არა მხოლოდ ის, რომ უბრალოდ რაღაც განცხადებებით შემოიფარგლოს, არამედ ის ხელფასები, შემოსავალი რა ეკონომიკაც გვაქვს ყველაფერი შეიძლება თავზე დაგვენგრეს. ეს არის რეალობა, იმიტომ, რომ ივანიშვილმა და მისმა პარტიამ გადაწყვიტა, რომ საქართველოს სრული იზოლაცია მოახდინოს და შეაჩეროს საქართველოს ევროპული ინტეგრაციის გზა.
ყველაზე საგანგაშოა განცხადებები, რომელსაც ჩვენი ევროპელი პარტნიორები აკეთებენ კანდიდატის სტატუსის გადახედვასთან დაკავშირებით. მე მაინც ვთხოვ ჩვენს პარტნიორებს, რომ ასე მძიმედ ნუ შევაფასებთ ამ წუთას არსებულ სიტუაციას იმიტომ, რომ ქართველი ხალხი ნამდვილად იმსახურებს ევროკავშირში წევრობას. და ეს არის ჩვენი ამოცანა, რომ დიახ, რომ ხელისუფლება, რომელიც არ ატარებს ხალხის ინტერესებს, შეიცვალოს’’,- განაცხადა გიორგი ვაშაძემ.
ავტორი
მარიამ ხაჩირაშვილი
