“ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა მძიმე შეფასებებს აძლევს ქვეყანაში არსებულ რეალობას:
“ჩვენ ვართ ქვეყანა, რომელმაც გადაიტანა სამოქალაქო ომი, საზოგადოება მეტწილად პოლარიზებული რჩებოდა დროის მცირე მონაკვეთების გარდა, მაგრამ არცერთ ხელისუფლებას უკადრია ასე დაეგეშა საკუთარი მომხრეები ოპონენტების მიმართ.
არცერთ ხელისუფლებას უკადრია საკუთარ და სხვის მიცვალებულებად დაყოფა. ოპონენტის ჭირის არ გაზიარება, თანაგრძნობის არ გამოხატვა. და არც არასოდეს თავისი მომხრეებისთვის არ მიუყენებია არცერთ ხელისუფლებას ასეთი შეურაცხყოფა რომ უსახელო, უგვარო, უსქესო, უსამკვიდრებლო, უთვისტომო, უზნეო, შხამის მფრქვეველ ტროლ-ბოტებად გადაექცია.
ჩვენ ასეთ ქვეყანას არ ვიმსახურებთ ჩვენ შეცდომების მიუხედავად. არვის შერგებია სხვის უბედურებაზე მოწყობილი ბედნიერება და ვერც ქოციალიზმის “გამპრავებლები” და “ნელ-თბილები” შეირგებენ, რომლებიც ბევრად უფრო დამნაშავეები არიან, ვიდრე ქოც ბელადები, რომელთა მოტივაცია სრულიად გასაგებია,” – წერს ფეისბუქის პირად გვერდზე ლელა ჯეჯელავა.
