,,გამარჯვების კოალიციის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე დღეს გამართულ ბრიფინგზე საბავშვო ბაღებში აღმზრდელებთან, მასწავლებლებთან და სხვა საკითხებთან დაკავშირებით არსებულ პრობლემებზე საუბრობს და კონკრეტული შეკითხვებით მიმართავს მმართველ პარტიას:
,,ივანიშვილის პარტიის წარმომადგენლებს მინდა დავუსვა კითხვა – რატომ არის ასეთი დაბალი ანაზღაურება საბავშვო ბაღებში აღმზრდელებზე მთელი საქართველოს მასშტაბით?! და როგორ მოხდა ისე, რომ მაგალითად სომხეთში, საბავშვო ბაღებში მინიმალური ანაზღაურება არის 310 დოლარი.
საქართველოში, რომ გავიაროთ მაგალითად, ხონში 272 ლარი, ხობი 250 ლარი, გურჯანი 138 ლარი, – აღმზრდელს აქვს 138 ლარი. იგივე მეორე ცვლის აღმზრდელი თბილისში 294 ლარი. არა მარტო საბავშვო ბაღებში, ბიბლიოთეკებში, სამუსიკო სკოლებში, კატასტროფული მდგომარეობაა ხელფასების კუთხით და მე კითხვას გისვამთ, როგორ შეიძლება, რომ ამ ადამიანებმა ელემენტარულად იმუშაონ ამ დაბალ ანაზღაურებაზე – რანაირად შეიძლება გაიტანონ თავი?!
მე უფრო მეტ კითხვას გისვამთ, რუსული კანონისთვის გცალიათ, ქალების კვოტირების გაუქმებისთვის გცალიათ, ყველაფერი, რაც ანტიევროპულია გცალიათ, რაც ანტიევროპულია ყველაფერს ბიუჯეტიდან აფინანსებთ. რანაირად შეიძლება, რომ თქვენთვის ყოველთვის პრიორიტეტულია ის, რაც არ შედის საზოგადოების ინტერესში და აგერ უამრავი ადამიანი, რომელიც დასაქმებული არის საბავშვო ბაღებში, მათ აქვთ უზარმაზარი პრობლემა.
აგერ ვხვდებით მასწავლებლებს, ადამიანებს, რომლებმაც მომავალი თაობა უნდა აღზარდონ, რატომ არის ასეთი უდიერი დამოკიდებულება?! ნუ იტყვით, რომ ბიუჯეტში ფული არ არის – მილიარდებს იპარავთ ამ ბიუჯეტიდან. მარტო სამტრედია-გრიგოლეთის მონაკვეთიდან 1 მილიარდი ლარი მოიპარეთ და რა გახდა, რომ მასწავლებლებს, პედაგოგებს, უბრალოდ ხელფასი მოუმატოთ, რათა ადამიანური, ადეკვატური ანაზღაურება ჰქონდე?!
სომხეთში, რაც არის, რომ ედრებით სომხეთს და გვეუბნებით, რომ 1 სულ მოსახლეზე მეტია ჩვენთან ეკონომიკაო, რატომ ხელფასებით არ ედრებით?! რატომ არ შეიძლება, რომ მასწავლებელს, პედაგოგს ჰქონდეს იმდენი ხელფასი მაინც რამდენიც არის სომხეთში?! აღარაფერს ვამბობ ევროკავშირის ქვეყნებზე, ხომ არ ვედრებით არა?! სომხეთზე გელაპარაკებით, აი სომხეთმა თუ მოახერხა, რომ საბავშვო ბაღების პედაგოგის მინიმალური ხელფასი არის 310 დოლარი, 3-ჯერ ნაკლები რატომ არის საქართველოში?! რატომ ხდება ეს უსამართლობა?! რატომ არის, რომ ეკონომიკა მხოლოდ თქვენთვის მუშაობს?! ფული მხოლოდ თქვენთვის არის და ხალხისთვის არაფერი არ არის?!
საზოგადოებას ვეუბნები, ეროვნული ერთობა გვჭირდება, დიახ ევროპისკენ უნდა წავიდეთ, არამარტო ფეხბურთის ჩემპიონატში მონაწილეობით, არამედ საქართველო უნდა გახდეს ევროპული ჩემპიონატის მონაწილე, ქართველი ხალხი უნდა გახდეს ევროპის ნაწილი, ევროკავშირის ნაწილი: ზუსტად ის ხელფასები, ზუსტად ის ანაზღაურებები უნდა მოვიტანოთ საქართველოში – ეს არის ჩვენი მიზანი და კიდევ ერთხელ ვეუბნები ივანიშვილის პარტიას, გაგვეცით პასუხი – რატომ არის ასეთი დაბალი ხელფასები საქართველოში საბავშვო ბაღებში და როგორ მოახერხა სომხეთმა, რომ 3-ჯერ მეტია ანაზღაურება სომხეთში ვიდრე საქართველოში?!’’, – განაცხადა გიორგი ვაშაძემ.
ავტორი
მარიამ ხაჩირაშვილი
