“სანქცირება, რომელიც იყო სრულიად უსამართლო და იყო დეზინფორმაციაზე დამყარებული უნდა გაუქმდეს” – დავით მათიკაშვილი სანქცირებულ მოსამართლეებზე

პარლამენტის იურიდიულ საკითხთა კომიტეტის თავმჯდომარის პირველი მოადგილე, დავით მათიკაშვილი ჟურნალისტებთან კომენტარს აკეთებს სანქცირებულ მოსამართლეებსა და ვეტინგთან დაკავშირებით:

,,დემოკრატიის მრავალფეროვნებამ შესაბამისი ინდექსი გამოაქვეყნა, სადაც სწორედ ასე პოლიტიკური მიკერძოების კუთხით სასამართლოდან გაძევების თვალსაზრისით, საქართველო ყველაზე დაბალ პოზიციაზე ანუ ერთ-ერთ ყველაზე კარგ პოზიციაზეა ევროპაში, ის ევროკავშირის წევრ ქვეყნებსაც კი უსწრებს.

ვეტინგით ცდილობენ კეთილსინდისიერების შემოწმებას და სწორედ კეთილსინდისიერების კუთხით საქართველოს სასამართლო აქვს ძალიან მაღალი პოზიცია.

თავის დროზე, უსამართლოდ მოხდა კონკრენტული მოსამართლეების დასანქცირება ჩვენი პარტნიორი ქვეყნის მიერ. სანქცირება, რომელიც იყო სრულიად უსამართლო და იყო დეზინფორმაციაზე დამყარებული, იყო სუბიექტურ მიდგომებზე დამყარებული რა თქმა უნდა, უნდა გაუქმდეს და ჩვენ ჩვენი პარტნიორებისგან, ცხადია, პირველ რიგში, სამართლიან მიდგომებს ველოდებით. იმიტომ, რომ სხვანაირად ვერც წარმოგვიდგენია, როგორ შეიძლება არსებობდეს პარტნიორობა’’, – განაცხადა დავით მათიკაშვილმა.

ავტორი
მარიამ ხაჩირაშვილი