საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის ასოცირებული პროფესორი, ბეჟან ჯავახია სოციალურ ქსელსა და ღურნალისტებთან ემოციურ შეფასებას აკეთებს საქართველოს დამოუკიდებლობის აღდგენის რეფერენდუმის დღესთან დაკავშირებით:
,,დიდი დღეა დღეს – ქართველი ერის ერთიანობისა და დარაზმულობის დღეა! ისტორიის უწყვეტობის დღეა, დიდი წინაპრების გზების შემეცნების დღეა,
33 წლის წინ ქართველმა ხალხმა გადაწყვიტა, რომ აგრძელებს ისტორიას, რომელიც შეწყვეტილი იყო 1921 წელს, როცა რუსული ოკუპაცია, საბჭოთა ოკუპაცია მოხდა. საქართველოს მოსახლეობის თითქმის 100%-მა ხმა მისცა საქართველოს დამოუკიდებლობას.
მომწონს იმიტომაც, რომ ეს იყო ისტორიის გაგრძელება, იმ უწყვეტი ათასწლოვანი ისტორიის გაგრძელება, რომელიც დაიწყო სადღაც ფარნავაზთან, მაგრამ ჩვენ კი არ გვითქვამს, რომ ,,ჩვენ დამოუკიდებელ, ახალ საქართველოს ვქმნით” ან ,,საბჭოთა კავშირი უნდა დაიშალოს, ჩვენ ვთქვით, რომ ,,ჩვენ ვაგრძელებთ ისტორიას”.
ჩვენ მივიღეთ ესთაფეტა 1921 წელს შეწყვეტილი დამოუკიდებელი საქართველოს მემკვიდრეებისაგან და შევუდექით გზას დიადი მიზნისაკენ: აღგვედგინა 1918 წლის 26 მაისს აღდგენილი საქართველოს დაბრუნება, მისი გათავისუფლება საბჭოთა და ბოლშევიკური ოკუპაციისაგან და ეს შეძლო ჩვენმა თაობამ!!!
ამ ბრძოლის შეუდარებელი და უმამაცესი ლიდერი იყო და არის ზვიად გამსახურდია, დღეს ლეგენდად ქცეული ზვიად გამსახურდიას დაბადების დღეა, ის 85 წლის გახდებოდა!!!
ეს ბრძოლა არ დასრულებულა და არც არასოდეს გაწყდება. თავისუფლება დიდ თავგანწირვას მოითხოვს და მის შესანაჩუნებლად ბრძოლა კი მარადიულია და ეს ესტაფეტა გადაეცემა თაობიდან თაობას, ხოლო ეს ბრძოლის ისტორია არის ის, რაც აღვაგფრთოვანებს და ეს არის ის მეხსიერება, რაზედაც დგას თანამედროვე საქართველო.
გილოცავთ ყველას, განსაკუთრებით, ვინც ამ ბრძოლის ავანგარდში იყო, იმ ადამიანებს, იქ უსასრულებაში გარდასულ მებრძოლებს, მათ წმინდა სულებს!!!
სამწუხაროა, რომ დღეს ჩვენ არც ხელისუფლება გვყავს და არც თავისუფალი მედია, რომელიც ამ დღეს აღნიშნავდეს შესაფერისად, მაგრამ ის, რომ ჩვენ შეგვიძლია გამოვხატოთ ჩვენი ერთობა, ეს მნიშვნელოვანია ჩვენი ისტორისა და ჩვენი მომავლისათვის”, – განაცხადა ბეჟან ჯავახიამ.
ავტორი
ნინი ხიჯაკაძე
