თაკო ჩარკვიანი, სოციალურ ქსელში, დედასთან ემოციური, სიყვარულით აღსავსე დიალოგის ვიდეოს აქვეყნებს:
“ეს დედაჩემია, ირმა – 88 წლის, გლაუკომის გამო სრულიად დაკარგა მხედველობა – 100 პროცენტით სიბრმავე… ვერ კითხულობს, არადა მისი პროფესია – მუდმივი მდგომარეობა ეს იყო – წიგნის კითხვა და ძალიან განიცდის, ცოტა დეპრესიაც მოჰყვა ცხადია ამ მდგომარეობას.
ამ საღამოს მეუბნება, საუბრის დროს, – მთელი დღე საქართველოზე ვფიქრობ და იცი, უკეთ ვარ ღონე მომეცაო, – აი მართლა ასე ჰქონდათ მთელი ცხოვრება გატარებული ღმერთმანი დედას და ჯანსუღს❤️🥲😍😍😍😍🙏✌️“, – წერს ფეისბუქის პირად გვერდზე თაკო ჩარკვიანი და დედასთან დიალოგის ვიდეოს აქვეყნებს:
თაკო: რაზე ფიქრობდი, დედა?
ირმა: საქართველოზე ვფიქრობდი მთელი საღამო, ვერ მოვიცილე…
თაკო: რაზე ფიქრობდი?
ირმა: ისტორიიდან დაწყებული, ჩვენს უბედურებას, ყველაფერს ვიხსენებდი. ვლოცულობდი თან, მთელი დღე.
თაკო: აგყვა ფიქრები? საქართველოზე ფიქრი მოგეხმარა?
ირმა: კი, მიშველა საქართველოზე ფიქრმა. ნამდვილად, დედა, ნამდვილად მომეხმარა. ჩემო სიხარულო, მართლა გეუბნები… მთელი ისტორია ჩვენ გვძიძგნიან, გვძიძგნიან – ვერ დაგვძიძგნეს. დგას საქართველო, მაინც!
თაკო: ნაღდი ჯანსუღის ცოლი ხარ, რა.
ირმა: ჯანსუღამდე მიკლია ცოტა, მაგრამ მისგან ბევრი ვისწავლე.
თაკო: საქართველოზე ვფიქრობდი და გამოვკეთდიო…
ირმა: გამოვკეთდი დედა… და შენნაირები რომ ჰყავს კიდევ საქართველოს, ეს არის დიდი ბედნიერება. ე.ი. არ მომკვდარა საქართველო. მარტო შენ არა ხარ, დედა.
თაკო: ჩემნაირები კი არა, შენ რომ ხარ 87 წლის და ასე რომ ფიქრობ, იმიტომაა საქართველო მაგარი გენეტიკით.
