პარლამენტის თავმჯდომარე, შალვა პაპუაშვილი, განცხადებას აკეთებს 26 მარტს, საქართველოს საფეხბურთო ნაკრების გამარჯვების შემდეგ საზეიმო ღონისძიებაზე, რესპუბლიკის მოედანზე ირაკლი კობახიძის მიმართვის დროს ნეგატიური ემოციების გამოხატვაზე:
,,ქართველი ხალხი ასეთი არ ვართ და ის, რაც იმ ჯგუფმა ჩაიდინა – არ არის ქართული საქციელი და თავადვე გამოფინეს შემდეგ ის ვიდეოები, ,,შეცვალე’’ ორგანიზაცია, რომელიც არ ვიცი ვისგან ფინანსდება, იმიტომ რომ როგორც იცით უცხოური დაფინანსებები გაუმჭვირვალეა ჩვენს ქვეყანაში. დღეს გახლავთ სწორედ ნიკა გვარამიას გუნდის წევრები.
ზუსტად ეს ხალხი ,,ნაციონალური მოძრაობის’’ თაობა, ასე ვთქვათ, თუ გუნდი არის, ვისაც უნდა რომ ჩააშხამოს. როგორი სულით ბოროტი უნდა იყოს ადამიანი, რომ ეს დაგეგმო, მერე განახორციელო და ამით თავი მოიწონო.
შეიძლება ვიღაც მოგწონდეს, ვიღაც არ მოგწონდეს, გძულდეს – ყველაფერი შეიძლება იყოს, მაგრამ არსებობს მომენტები, როდესაც ადამიანმა რაღაცები არ უნდა იკადრო. როცა ამას კადრულობ მაშინ ხარ ,,ნაციონალური მოძრაობის’’ წარმომადგენელი.
ეს აჩვენებს სინამდვილეში რატომ უნდოდა ზოგიერთ ჯგუფებს ნიკა გვარამია და მელია, რომ ყოფილიყო გარეთ’’, – განაცხადა შალვა პაპუაშვილმა.
ავტორი
მარიამ ხაჩირაშვილი
