“მე მასამართლებენ იმისათვის, რომ არ დავუშვი და მოწინააღმდეგეს არ ჩავაბარე ჩემი ერი, ჩემი ქვეყანა” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი სასამართლო პროცესის მიმდინარეობის დროს, სიტყვით გამოსვლისას შეფასებას აკეთებს რუსეთის პოლიტიკაზე უკრაინასთან მიმართებით და ისტორიიდან პარალელს ავლებს საქართველოსთან დაკავშირებით:

,,მინდა დავუსვა კითხვები პროკურორებს და მოსამართლეებს – იციან თუ არა მათ, თუ რა მოთხოვნები იყო იმ [7 ნოემბრის] აქციების ორგანიზატორების მხრიდან? მოთხოვნა იყო ერთი – არჩევნების გადმოტანა ბუქარესტის სამიტის წინ.

თქვენ იცით, უკრაინაში რა მოთხოვნა აქვთ ახლა პრორუს ელემენტებს? – არჩევნების გადმოტანა, არჩევნების ჩატარება ახლა, სანამ იქ რაღაც საკითხები გადაწყვეტილა. ერთი ერთზე გაჰყავს და ყურები საქართველოს მტრის ჩანს იქაც და აქაც.

მე მასამართლებენ იმისათვის, რომ არ დავუშვი და არ ჩავაბარე მოწინააღმდეგეს ჩემი ერი, ჩემი ქვეყანა. რა თქმა უნდა, ისტორია მე გამამართლებს.

მე რომ ანგარიშვალდებული ვიყავი, იმ მოვლენების შემდეგ გადავდექი, რათა ქვეყნის ინტერესები წამომეწია წინ”, – განაცხადა მიხეილ სააკაშვილმა.

ავტორი
ნინი ხიჯაკაძე