“პირველი უსამართლობა არის ის, რომ სიღარიბის, უმუშევრობის, მაღალი ფასების გამო ადამიანებს არ შეუძლიათ სამშობლოში დარჩენა, რაზეც პასუხისმგებელი საქართველოს მთავრობაა”, – ამის შესახებ “სტრატეგია აღმაშენებლის” გენერალურმა მდივანმა პაატა მანჯგალაძემ განაცხადა.
მანჯგალაძის თქმით, რეალურად პრობლემა არის ის, რომ „ქართული ოცნების“ წევრები ყველაფერს ვიწრო პარტიულ ჭრილში ხედავენ და ვერ გრძნობენ, რომ ეს არის ეროვნული მასშტაბის საკითხი და უმნიშვნელოვანესია ემიგრანტებს ჰქონდეთ არჩევნებში ხმის მიცემის უფლება:
“ვეკითხები საგარეო საქმეთა მინისტრს და უმრავლესობის წევრებს – უცხოეთში გახსნილ 50 საარჩევნო უბანზე როგორ უნდა მიიღოს არჩევნებში მონაწილეობა ერთმა მილიონმა ადამიანმა? – ელემენტალური მათემატიკაა რომ 1 მილიონი ადამიანი ვერ გადანაწილდება 50 უბანზე.
რეალურად პრობლემა არის ის, რომ „ქართული ოცნების“ წევრები ყველაფერს ვიწრო პარტიულ ჭრილში ხედავენ და ვერ გრძნობენ, რომ ეს არის ეროვნული მასშტაბის საკითხი და უმნიშვნელოვანესია ემიგრანტებს ჰქონდეთ არჩევნებში ხმის მიცემის უფლება.
მინდა ვუთხრა „ქართულ ოცნებას“, მიუხედავად იმისა გაითვალისწინებენ თუ არა ისინი ამ საკითხს, ცვლილებების დრო მოსულია და ძალიან მალე ისინი ოპოზიციაში გადავლენ”, – განაცხადა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს