საპარლამენტო პოლიტიკური ჯგუფის ,,ევროოპტიმისტების” წევრი, ხატია დეკანოიძე ჟურნალისტებთან კომენტარს აკეთებს რუსეთის მიერ საქართველოს ოკუპირებულ ტერიტორიებზე, ოჩამჩირეში სამხედრო ბაზების მშენებლობის საკითხთან დაკავშირებით:
,,ძალიან სამწუხაროა რაც ხდება, რეალურად, ვნახეთ კადრები, როდესაც ჩვენს ოკუპირებულ ტერიტორიას რუსეთი საკუთარი მილიტარისტული და ექსპანსიური მიზნების გასაფართოებლად იყენებს. ეს არის ძალიან მძიმე.
თუკი ვინმე უქმნის საფრთხეს საქართველოს ტერიტორიულ მთლიანობას და ზოგადად, საქართველოს სტაბილურობას და განვითარებას, ეს არის ზუსტად რუსეთი.
ამ კონტექსტში რუსეთი აგრძელებს იმ პოლიტიკას, რომელიც დაწყებულია ძალიან დიდი ხნის წინ. რა თქმა უნდა, ოკუპირებულ ტერიტორიებზე კიდევ უფრო ექსპანსიონისტური პოლიტიკა და ამ ინფრასტრუქტურული პროექტების განვითარება, რომლებიც ჯერ კიდევ ადრე ჰქონდა ჩაფიქრებული რუსეთს, მთელი ამ სამხედრო შეიარაღების გადატანა ოკუპირებულ ტერიტორიაზე, არღვევს ჩვენი ქვეყნის სუვერენიტეტს და ჩვენი ქვეყნის ტერიტორიულ მთლიანობას“, – განაცხადა ხატია დეკანოიძემ.
ავტორები:
ალექსანდრე ლეჟავა
ნინი ხიჯაკაძე