კლინიკა “ვივამედიდან” მორიგ გზავნილში, საქართველოს მე-3 პრეზიდენტი, მიხეილ სააკაშვილი რუსეთის, “ეფესბე”-ს ახალ ტაქტიკაზე საუბრობს საქართველოში ოქტომბერში დაგეგმილ არჩევნებთან დაკავშირებით და ამის საპასუხო კონკრეტულ პოზიციას აფიქსირებს:
“რუსულმა “ეფესბემ” კალაშოვთან ერთად მისი მარჯვენა ხელი, კანონიერი ქურდი, ბადრი კუბლაშვილიც გამოაშვებინა, რაც საბოლოოდ ადასტურებს იმას, რომ მათი მომავალი დავალება სწორედ საქართველოს არჩევნებია. უნდა ველოდოთ რაფალიანცის ტიპის პროვოკაციებსა და “შავების” აქამდე არნახულ მობილიზებას.
ივანიშვილი აგებს არჩევნებს და ეს ყველაზე კარგად მისმა კურატორებმა იციან. რისი ეშინია შავ სამყაროს? – ამომრჩევლის მასობრივი გამოცხადების, ამიტომ ამჯერად არჩევნებში მონაწილეობის ყველა რეკორდი უნდა მოვხსნათ“, – აცხადებს მიხეილ სააკაშვილი.
კომენტარები - დატოვეთ თქვენი მოსაზრება