,,სტრატეგია აღმაშენებლის” გენერალური მდივანი, პარლამენტის დეპუტატი, პაატა მანჯგალაძე ჟურნალისტებთან კომენტარს აკეთებს საწვავის ფასებთან დაკავშირებით და ხელისუფლებას მოუწოდებს ყალბი დღის წესრიგის შექმნის ნაცვლად ხალხის პრობლემებს მიაქციოს ყურადღება:
,,ქართული ოცნების’’ განსაკუთრებით ბოლო პერიოდის განცხადებები მიუთითებს, რომ ისინი მიზანმიმართულად ცდილობენ ყალბი, ცრუ დღის წესრიგი შექმნას, რომელიც არ არის ხალხის სამსახურში.
ეს [ადეიშვილის] თემაც, მე მოვიარე 10 რაიონი და არავის ჩემთვის არ უკითხავს და საერთოდ არ არის საინტერესო, მაგრამ საწვავის ფასი აინტერესებს მოქალაქეს, პურის ფასი აინტერესებს, ამ საკითხებზე, როგორც კი დავიწყეთ ლაპარაკი, ,,ქართული ოცნება’’ მიზანმიმართულად ცდილობს ცრუ, ყალბი დღის წესრიგის შექმნას, თითქოს ის საქართველოს მოქალაქისთვის ნომერ პირველი აქტუალური საკითხია.
გუშინაც ვკითხეთ პრემიერ-მინისტრს, პარლამენტის თავმჯდომარეს, დღესაც შემიძლია ვკითხო – რატომ არის, იგივე კითხვას ვუმეორებ, ოღონდ საწვავთან დაკავშირებით, ბენზინი, რომელიც საქართველოს უახლოეს საზღვარზე ღირს 1.65 თეთრი, რატომ ღირს 3 ლარამდე?! სად მიდის დამატებითი 1.50თეთრი?! ეს არის კითხვები, ამ კითხვებს, რომ არ უპასუხოს ,,ქართულმა ოცნებამ’’, რომელიც ძარცვავს ხალხს, იგონებს ათას თემას და შემოაქვს ყალბი და ცრუ დღის წესრიგი’’, – განაცხადა პაატა მანჯგალაძემ.
ავტორები:
მარიამ ხაჩირაშვილი
ალექსანდრე ლეჟავა
